पोखराबाट आधिकारिकताका साथ सञ्चालित गण्डकन्यूज डटकमका पत्रकार अश्विन दानीमाथि सुरक्षाकर्मीले दादागिरी देखाएका छन् । नेपाली सेनाका अधिकृत र नेपाल प्रहरीका जुनियर अधिकृत लगायतको टोलीले मिडियाको हुँ भन्दा भन्दै पनि दुव्र्यवहार गरी मोबाइल खोसे ।

गण्डक न्यूज डट कमका पत्रकार अश्विन दानीमाथि नेपाली सेनाका एक अधिकृत र नेपाल प्रहरीका सुरक्षाकर्मीले गरेको दुव्र्यवहारको नेपाल पत्रकार महासंघ कास्कीले खेद व्यक्त गरेको छ ।

महासंघ, कास्कीका अध्यक्ष दीपेन्द्र श्रेष्ठले एक विज्ञप्ती जारी गर्दै समाचार संकलनको क्रममा फिल्ड रिपोर्टिड. गरिरहेका पत्रकारले म गण्डक न्युजबाट, मिडियाको हुँ भन्दा भन्दै दुव्र्यवहार गर्नु, बलजफ्ती प्रहरी भ्यानमा कोच्नु, संचार सामाग्री (मोबाइल सेट) फुटाइनुलाई मिडिया माथिको नांगो हस्तक्षेपको रूपमा लिएको उल्लेख गरेका छन् ।

विज्ञप्तीमा उल्लेख छ: ‘यो घटनाको आवश्यक छानबिन गरी दोषी सुरक्षाकर्मी माथि कारबाही गर्न र उचित क्षतिपूर्तिको व्यवस्था मिलाउन ने.प.महासंघ कास्की माग गर्दछ। साथै पूर्ण प्रेस स्वतन्त्रताको ग्यारेन्टि गर्न र निर्वाध रूपमा समाचार संकलन र सम्प्रेषण गर्ने वाताबरण निर्माणका लागि राज्य, स्थानिय प्रशासन, सुरक्षा निकाय र नागरिक समुदाय सम्पूर्णमा हार्दिक अपिल गर्दछौं ।’

नेपाल पत्रकार महासंघका केन्द्रिय सदस्य रामकृष्ण ज्ञवालीले घटनापछि मिडियामाथिको आक्रमण कति सहनु भन्दै दोषी सुरक्षाकर्मीमाथि कारबाहीको माग गरेका छन् ।

https://www.facebook.com/dsshrestha.srg.840/posts/1382667831874589

https://www.facebook.com/permalink.php?story_fbid=2267847676866419&id=100009236261553

घटनाबारे पत्रकार दानीको भनाई जस्ताको तस्तैः

आज बिहान पोखरा ट्रेड मल पछाडि शंकास्पद वस्तु भेटिएको थाहा भएलगत्तै म घटनास्थल गएँ । मैले व्यक्तिगत रुपमा नभई अफिसियल पेजबाट नै फेसबुक लाइभ गरेको छु । गण्डकन्यूज आधिकारीक अनलाइन भएकाले यसबाट हुने समाचार सम्प्रेषणका गतिविधि पनि आधिकारिक नै हुन् । एक्कासी लाइभ गर्दागर्दै काली भञ्जन गणबाट डिस्पोजल टोलीको नेतृत्व गरेर आएका क्याप्टेनले दुव्र्यवहार गरे ।

मैले खिचेको भिडियोमा स्पष्ट छ, त्यहाँ सैनिक जवानले समेत भिडियो गरिरहेका छन् । त्यसैबेला वडा प्रहरी कार्यालय बैदामका प्रहरी नायव निरीक्षक शुशिल घिमिरेको नेतृत्वमा आएको प्रहरी टोलीले मलाई प्रहरी भ्यानमा बलजफ्ती लग्यो । मैले प्रयोग गरिरहेको मोबाइल पटक पटक खोस्ने प्रयास गरे । अन्तिम पटक खोस्दा मोबाइलको बाहिरी कभर नै फुटेको छ ।

म गण्डकन्यूजको मिडियाको भनिरहेको छु । तैपनि भ्यानमा लगियो, पछि दुव्र्यवहार गरियो । फुच्चेहरु अझै दुव्र्यवहार भन्ने ? भन्दै भ्यानमा राखिएको बेला भनिएको छ । त्यसबेला मोबाइलमा लाइभ टुटिसकेको थियो । तत्काल सम्पादक रञ्जन अधिकारी आउनासाथ मलाई छाडियो । मैले मिडियाको, गण्डकन्यूजबाट भनिरहेको जानकारी गराउँदा समेत यस्तो हर्कत गरियो ।

पत्रकारमाथि सुरक्षाकर्मीको दादागिरी ! गण्डकन्यूज पत्रकार दानीमाथि हातपात र दुर्व्यवहार (भिडियोसहित)

पत्रकार दुर्व्यवहार गरेका प्रहरीः ‘कमजोरी भयो, करेक्शन गर्छौं’