पोखरा विश्वविद्यालयमा रोकिएको परीक्षा आगामी सोमबार अर्थात् १६ वैशाखबाट सुरु हुने भएको छ । विद्यार्थीहरू आन्दोलनमा उत्रिएपछि विश्वविद्यालयले चालू शैक्षिक सत्रमा तीनपटक परीक्षा मिति हेरफेर गरेको थियो ।
गत फाल्गुन ३० गते हुने भनिएको परीक्षा चैत्र ३० मा सारिए पनि विद्यार्थी आन्दोलनले परीक्षा हुन सकेको थिएन। विद्यार्थीले गरेको आन्दोलन र तालाबन्दीका कारण वैशाख ६ गते सञ्चालन गर्ने भनिएको ४ संकायको परीक्षासमेत स्थगित भएको थियो। तर लामो समयदेखि ’डी प्लस’ ग्रेड भर्ना सम्बन्धमा विश्वविद्यालयमा रहेको विवाद सुल्झिएपछि परीक्षाको नयाँ मिति तोकिएको हो ।
डी ग्रेड ल्याउने विद्यार्थीको रजिष्ट्रेशन लिन नहुने विषयको माग गर्दे विद्यार्थी समूह आन्दोलनमा उत्रिएका थिए। पटकपटक परीक्षा मिति फेरबदल हुनुका साथै विद्यार्थीले गरेको आन्दोलन नरोकिएपछि प्राज्ञिक परिषद्ले ’डी प्लस’ ग्रेड ल्याउने विद्यार्थीको रजिष्ट्रेशन नहुने निष्कर्षमा निकालेको थियो।
सोमबारबाट सुरु हुने परीक्षा विभिन्न संकायको गरी असार ७ गतेसम्म जारी रहने छ। परीक्षालाई व्यवस्थित, मर्या्दित रूपमा सञ्चालन गर्नका सम्बन्धित सरोकारवाला पक्षलाई सहयोग गरिदिन विश्वविद्यालयले आग्रह गरेको छ।
सम्बन्धित खबर
पोखरा १३ : सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
समावेशी शिक्षा मापदण्डको प्रारम्भिक मस्यौदा माथि छलफल
अन्नपूर्णमा सार्वजनिक सुनुवाइ, ३१ कार्यालयका प्रमुखको उपस्थिति
पत्रकार सन्तोष पोखरेल सम्मानित
रोटरी क्लब अफ पोखरा क्यापिटलको चार्टर प्रेजेन्टेसन तथा पहिलो पदस्थापन
पोखरा वडा नं. १३ मा सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग