पोखरा । पोखरा महानगरपालिका-२२ पुम्दी-भुम्दीका स्थानीय युवाहरु सफाई अभियानमा जुटेका छन् । उनिहरुले अहिले जथाभावी फोहोर फाल्ने देखि सचेतना अभियान गरिरहेका छन् ।
आज मात्रै उनिहरुले जथाभावी मरेको कुखुरा फाल्ने एक जनालाई पक्राउ गरे । आज बिहान स्थानीय शेषकान्त बरालले देखेपछि भ्यु पोइन्ट युवा क्लबको सक्रियतामा कुखुरा सप्लायर्सलाई रंगेहात पक्राउ गरिएको हो ।
पोखरा-१७ छोरेपाटनबाट ग ३ प ९९७६ नम्बरको बाइकमा गएका उनलाई पक्राउ गरिएको क्लबका अध्यक्ष सुन्दर बराल ‘धड्कन’ ले जानकारी दिए । उनको आग्रह अनुसार नाम खुलाइएको छैन् ।
पक्राउ परेका उनलाई पाँच हजार जरिवानासहित आगामी दिनमा फेरि सोही क्रियाकलाप दोहोरिए कडा कार्बाही गर्ने चेतावनी दिएर छाडिएको क्लबको सचिब कुशल बरालले बताए । यसअघि क्लबले जथाभावी फोहोर फाल्ने दुई जनालाई पक्राउ गरेको थिए ।
क्लबको सक्रियतामा पुम्दी-भुम्दीअन्तर्गत खाडेखोला, तिलार, ठुलिबिडि, भ्यु पोइन्ट, अर्चलबोट, कालीमाटीबाट जथाभावी छोडिएका छाडा चौपायालाई महनगरसंग सहकार्य गरेर महानगरको पशुघरमा छाडिएको थियो ।
यस्तै क्लबले राजमार्ग छेउछाउमा अवैधानिक ढङ्गले राखिएका होडिङ बोर्डहरु हटाउनुका साथै राजमार्ग आसपासमा पटकपटक सरसफाइ कार्यक्रम पनि गरिसकेको सचिब बरालले जानकारी दिए । अध्यक्ष बरालले आफू आफ्नो गाउँ ठाउँको विकासमा सधैं लागिरहने प्रतिबद्धता जनाए ।
सम्बन्धित खबर
अब अनलाइनबाटै वडाहरुबाट नागरिकताको सिफारिस
पोखरा १३ : सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
समावेशी शिक्षा मापदण्डको प्रारम्भिक मस्यौदा माथि छलफल
अन्नपूर्णमा सार्वजनिक सुनुवाइ, ३१ कार्यालयका प्रमुखको उपस्थिति
पत्रकार सन्तोष पोखरेल सम्मानित
रोटरी क्लब अफ पोखरा क्यापिटलको चार्टर प्रेजेन्टेसन तथा पहिलो पदस्थापन
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग