पोखरा। पोखराको फेवातालमा अब माछापुच्छ्रेको छायाँसँगै नेपाली राष्ट्रिय झण्डा पनि देखिने भएको छ । सोही योजनाअन्तर्गत नेपाली राष्ट्रिय झण्डासहितको माछापुच्छ्रे बिम्ब पार्कको निर्माण कार्य सुरु भएको छ ।
सोमबार सो पार्कको गण्डकी प्रदेशका मुख्यमन्त्री पृथ्वीसुब्बा गुरुङसहित प्रदेशका मन्त्री, महानगरका मेयर र वडाध्यक्षहरुको उपस्थितिमा शिलान्यास गरिएको हो ।यसलाई झण्डा पार्कको रुपमा विस्तार गर्ने प्रदेश सरकारको योजना रहेको छ ।
‘पोखरा नेपाल’ लेखिएको ८० फिट अग्लो नेपाली राष्ट्रिय झण्डा पनि माछापुच्छ्रे छायाँसँगै देखिने छ। पोखरा आउने पर्यटकका लागि आकर्षक गन्तब्यको रुपमा झण्डा पार्क स्थापित हुने विश्वास गरिएको छ ।
प्रदेश सरकार र पोखरा महानगरपालिकालेको चार करोड सह–लगानीमा पार्क बन्नेछ । पार्क निर्माणको पहिलो चरणको काम गर्न बिनु कन्स्ट्रक्सनले जिम्मा पाएको महानगरका सिनियर डिभिजनल इन्जिनियर शोभियत खड्काले जानकारी दिए । कन्स्ट्रक्सनले ७६ लाख रुपैयाँमा जिम्मा लिएको छ ।
नेपाल भ्रमण बर्ष २०२० लाई लक्षित गरी फेवा संरक्षणमा जोड दिँदै पर्यटक लक्षित योजनाहरु आरम्भ गर्ने प्रदेश सरकारको कार्ययोजनाअन्तर्गत उक्त कार्य प्रारम्भ भएको हो। पार्कमा टिकट काउण्टर, छहरा, फुट ट्रयाक, बाल उद्यान लगायतका संरचना रहने छन् । अहिलेसम्म फेवातालमा परेको माछापुच्छ्रे छायाँसँगै फोटो खिचेर जान सकिन्थ्यो भने अब नेपालको झन्डा पनि फोटोमा कैद हुनेछ ।
http://gandaknews.com/fewa-flag/
सम्बन्धित खबर
पोखरा १३ : सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
समावेशी शिक्षा मापदण्डको प्रारम्भिक मस्यौदा माथि छलफल
अन्नपूर्णमा सार्वजनिक सुनुवाइ, ३१ कार्यालयका प्रमुखको उपस्थिति
पत्रकार सन्तोष पोखरेल सम्मानित
रोटरी क्लब अफ पोखरा क्यापिटलको चार्टर प्रेजेन्टेसन तथा पहिलो पदस्थापन
पोखरा वडा नं. १३ मा सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग