पोखरा । गण्डकी प्रदेश सरकारले पोखरामा घर हुने सांसदहरुलाई पनि घरभाडा बापतको सेवा सुविधा दिने निर्णय गरेको छ । प्रदेश सरकारको मन्त्रिपरिषद बैठकले पोखरामा घर हुने सांसदहरुलाई पनि घरभाडा बापतको सेवा सुविधा दिने निर्णय गरेको हो ।
प्रदेशको मन्त्रिपरिषद्को बैठकले सांसदहरुको पारिश्रमिक तथा सेवाको सम्बन्धमा व्यवस्था गर्न बनेको ऐनअनुसार सांसदहरुले प्रति महिना १५ हजार रुपैयाँ घरभाडा दिँदै आएको थियो ।
सरकारले २०७४ चैत ३० गते पारित गरेको ऐनको दफा ६ (२०) मा पोखरामा घर भएका सांसदहरुलाई सुविधा नदिने उल्लेख छ भने उपदफा २ मा मर्मत र सम्भार प्रदेश सरकारले गर्ने व्यवस्था गरिएको छ । सोही उपदफाको आधारमा राजधानीमा घर हुने सांसदहरुलाई सुविधा दिन लागिएको हो ।
हाल कास्कीमा प्रत्यक्ष र समानुपातिक गरी १३ जना प्रदेशसभा सदस्यहरु छन् । यसअघि पोखरामा घर हुने १३ जना सांसदहरुले यो सुविधा लिन नपाउने भएपनि मन्त्रिपरिषदले आइतबारको निर्णयानुसार आगामि दिनमा ऐनमा व्यवस्था भएकोभन्दा आधा रकम आवास सुविधाबापत पाउने भएका छन् । उनीहरुले मासिक सात हजार पाँच सय रुपैयाँ आवास सुविधा पाउने प्रदेश सरकारले जनाएको छ ।
सम्बन्धित खबर
पोखरा १३ : सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
समावेशी शिक्षा मापदण्डको प्रारम्भिक मस्यौदा माथि छलफल
अन्नपूर्णमा सार्वजनिक सुनुवाइ, ३१ कार्यालयका प्रमुखको उपस्थिति
पत्रकार सन्तोष पोखरेल सम्मानित
रोटरी क्लब अफ पोखरा क्यापिटलको चार्टर प्रेजेन्टेसन तथा पहिलो पदस्थापन
पोखरा वडा नं. १३ मा सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग