आइतबार बिहान धादिङको गजुरी गाउँपालिका वडा नं ६ बन्छेटारस्थित पृथ्वीराजमार्गबाट त्रिशूली नदीमा बस खस्दा हराइरहेका थप एक जनाको शव फेला परेको छ । दुर्घटना भएको ठाउँबाटै एक जनाको शव फेला परेको हो ।
त्रिशूली किनारामा हिलोमा दबिएको अवस्थामा झापा घर भएका कृष्णप्रसाद निरौलाको शव फेला परेको हो । निरौला समेत गरी सो दुर्घटनामा परी मृत्यु हुनेको संख्या ११ पुगेको छ । सो दुर्घटनामा परेर दुई बालक र एक पुरुष गरि तीन जना हराइरहेका छन् ।
प्रहरीका अनुसार हराइरहेकाहरू धादिङ जिल्लाको सिद्धलेक गाउँपालिका वडा नम्बर ४ का सलाङघाट बस्ने वर्ष २३ का उज्वल पाण्डे, भारतको मेघालय प्रदेश जिल्ला रिभ्वाय सिलोङ घर भएकी १३ वर्षीया रिया मारविन, सोही ठाउँका ११ वर्षीय रिशान मारविन रहेका छन्।
उनीहरूको खोजी कार्य जारी रहेको जिल्ला प्रहरी कार्यालय धादिङका प्रवक्ता प्रकाश विष्टले जानकारी दिए । सो घटना परी २९ जना घाइते भएका ईलाका प्रहरी कार्यालय गजुरीले जनाएको छ।
आइतबार झापाको काँकडभिट्टाबाट काठमाडौंका लागि छुटेको ना ७ ख ४३८७ नम्बरको यात्रुबाहक बस सडकबाट ६० मिटर तल त्रिशूली नदीमा खसेको थियो। दुर्घटनामा चार जनाको घटनास्थलमै र बाँकीको उपचारका क्रममा मृत्यु भएको हो।
सम्बन्धित खबर
रातदिन खटेर काम गर्नुपर्ने बेला भएको भन्दै विदेश भ्रमण नजान प्रधानमन्त्रीको निर्देशन
पोखरा-१५ मा विविध कार्यक्रमको आयोजना गरी धान दिवस मनाइयो
र्यान्डममा सुमिनाको ‘बागी स्त्रीको आत्मकथा’
पर्वत फलेवास–अर्मादी सडकखण्ड निर्माणमा ढिलासुस्ती
जनताले अनुभूत गर्ने गरी गणतन्त्रको कार्यान्वयन अपरिहार्यः प्रदेश प्रमुख भट्ट
‘सफल सादा दही’ पोखरा बजारमा उपलब्ध
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग