शुक्रबार पोखरा स्वास्थ्य विज्ञान प्रतिष्ठानको दक्षिण गेट नजिकै रहेको एक घरमा छापा मार्दा झण्डै १३ लाख मूल्य बराबरको ठूलो मात्रामा लागुऔषध भेटियो । १८ वर्षीय किशोर डेविड तामाङलाई ठूलो मात्रामा लागुऔषध सहित कास्की प्रहरीले पक्राउ गरेको थियो । टिनको सो कोठालाई ड्रग्स अड्डा नै बनाउने यति सानो उमेरको तामाङ एक्लै थिएनन् । उनको दाइ नाता पर्ने मुख्य कारोबारी वाङदोर्जे तामाङ भने फरार रहेका थिए । भोलिपल्टै आज शनिबार वाङदोर्जे पक्राउ परेका छन् ।
सिन्धुपाल्चोक चौतारा गाँउपालिकाका १८ बर्षीय तामाङलाई १ हजार ९ सय २ थान लागुऔषध सहित पक्राउ गरेर सफलता पाएको कास्की प्रहरीले फरार रहेका सिन्धुपाल्चोककै मार्मी ८ का २५ बर्षीय लागुऔषध कारोबारी वाङदोर्जे तामाङलाई पोखरा १७ छोरेपाटन नमुना टोलबाट मध्यान्ह साढे १२ बजे पक्राउ गरिएको कास्कीका प्रहरी प्रमुख एसपी दानबहादुर कार्कीले जानकारी दिए । उनीहरु पोखरा १० उत्तमचोकमा बस्दै आएको कार्कीले जानकारी दिए ।
प्रहरीले हिजो पक्राउ परेका डेविड तामाङको साथबाट डाइजापाम, नर्फिन र फेनारगन गरी १ हजार ४ सय ६४ थान, नाइट्रोसन १ सय चक्की र एनसेडील ३ सय ३८ बोत्तल बरामद गरेको थियो । पक्राउ परेका डेभिडले आफुलाई दाइले फसाएको बताएका छन् । पछिल्लो समय पोखरा बसेर लागुऔषध कारोबारमा सक्रिय उनीहरुलाई नियन्त्रणमा लिएपछि लागुऔषध कारोबारको नेटवर्क नष्ट गर्न केही सघाउ पुग्ने विश्वास लिइएको छ ।
http://gandaknews.com/sp-karki/
कास्की प्रहरीले लागु औषधको गिरोह ध्वस्त पार्ने अभियान तिव्र पारेको छ । सोही कमाण्ड भित्र बस्ने महिलाहरुका अनु्सार डेभिडको दाइ कहिलेकाही आउने जाने गरेको बताएका छन् । दुई दिन अघि पोखराको उत्तमचोकमा लागु औषध कै कारोबारी जोन भन्ने गोविन्द थापालाई गोली प्रहार गरेरै गिरफ्तार गरिएको थियो । घाइते जोनको अहिले पनि उपचार भैरहेको छ ।
http://gandaknews.com/ganesh-thapa-pokhara-uttamchok-update/
लगत्तै अमरसिंह चौर आसपासबाट लागुऔषध मुद्धामा जेल परेका उदयकुमार गुप्ताकी श्रीमती देवी गुप्ता ठूलो मात्रामा लागुऔषध सहित पक्राउ परिन् । उनले श्रीमान्कै कामलाई निरन्तरता दिइरहेकी थिईन् ।
http://gandaknews.com/gupta-pokhara/
सम्बन्धित खबर
पोखरा १३ : सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
समावेशी शिक्षा मापदण्डको प्रारम्भिक मस्यौदा माथि छलफल
अन्नपूर्णमा सार्वजनिक सुनुवाइ, ३१ कार्यालयका प्रमुखको उपस्थिति
पत्रकार सन्तोष पोखरेल सम्मानित
रोटरी क्लब अफ पोखरा क्यापिटलको चार्टर प्रेजेन्टेसन तथा पहिलो पदस्थापन
पोखरा वडा नं. १३ मा सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग