पोखरा । प्रधानमन्त्री कप महिला क्रिकेट प्रतियोगितामा गण्डकी प्रदेशले खराब सुरुवात गरेको छ । बुधबार कञ्चनपुरको महेन्द्रनगरमा भएको उद्घाटन खेलमा गण्डकी प्रदेश सुदूरपश्चिम प्रदेशसँग नौ विकेटले पराजित भएको हो।
टस जितेर ब्याटिङ रोजेको गण्डकीले २० ओभरमा सबै विकेट गुमाएर ५८ रन बनाएको थियो । जवाफी ब्याटिङमा उत्रेको सुदूरपश्चिमले एक विकेट गुमाएर निर्धा्रित २० ओभरको खेलमा सात ओभरमै लक्ष्य भेटाएको थियो । सुदूरपश्चिमका तर्फबाट कविता कुँवरले २१ तथा कविता जोशी र रेवती धामीले समान १२ रन बनाएका थिए ।
राष्ट्रिय स्तरको महिला क्रिकेट प्रतियोगिताको चौथो संस्करण महेन्द्रनगरमा सुरु भएको हो । राष्ट्रिय खेलकुद परिषद्को सहकार्यमा महाकाली स्पोर्ट सोसाइटीले प्रतियोगिता संचालनको जिम्मा लिएको छ । आठ वर्षपछि संचालन भइरहेको प्र्र्तियोगितामा एउटा विभागीय र सात प्रदेशको गरी आठ टोलीको सहभागिता छ ।
प्रतियोगिताको विजेतालाई ५ लाख र उपविजेतालाई ३ लाख नगद तथा ट्रफी प्रदान गरिने आयोजकले जनाएको छ । करिब ८८ लाख रुपैंया खर्च हुने अनुमान गरिएको प्रतियोगिताका लागि राष्ट्रिय खेलकुद परिषद्ले ३५ लाख बजेट विनियोजन गरेको छ भने बाँकी प्रायोजकबाट संकलन गर्ने आयोजक महाकाली स्पोर्ट सोसाइटीले जनाएको छ । प्रतियोगिता असार ११ गतेसम्म चल्नेछ ।
सम्बन्धित खबर
कालिका माविलाई छात्रा क्रिकेटको उपाधी
पोखरा २३ नयाँबस्तीमा भेट्रान्स भलिबल प्रतियोगिता सुरु
पोखरा स्पोर्टस् अवार्डमा पोखरा मोबाईल टावरको साथ
उदीयमान खेलाडीमा ज्योत्सनिका, दिलासा र बादलको प्रतिस्पर्धा
सिद्ध र कालिका उपाधिका लागि भिड्ने
पोखरा स्पोर्टस् अवार्डमा ‘अफिसियल ड्रिङ्किङ वाटर ग्लेज’
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग