नेपाल खेलकुद पत्रकार मञ्चले काठमाण्डौमा आयोजना गरेको १६ औं संस्करणको बजाज पल्सर स्पोर्टस् अवार्ड २०७५ मा प्याराग्लाइडिङका युकेश गुरुङ वर्ष उत्कृष्ट खेलाडी बनेका छन् ।
पोखराका १८ वर्षिय युवा खेलाडी यूकेश हालैमात्र सम्पन्न पोखरा स्पोर्टस् अवार्डमा पनि उत्कृष्ट खेलाडी बन्दै मोटरसाइकल जितेका थिए । १८ औं एशियाली खेलकुदमा नेपालले प्याराग्लाइडिङको क्रस कन्ट्रि तर्फ महत्वपूर्ण रजत पदक जित्दा युकेश टिमका सदस्य थिए । उनले रजत पदक जिताउन सर्वाधिक अंक बटुलेका थिए । एशियाडमा एक मात्र पदक प्याराग्लाइडिङले जितेको थियो ।
यूकेशले नेपालका चर्चित खेलाडीहरुलाई पछि पार्दै उक्त अर्वाड संगै बजाज पल्सर बाइक हात पारेका छन् । उनको प्रतिष्पर्धामा क्रिकेटका पारस खड्का र सोमपाल कामी, गल्फका शुक्रबहादुर राई, जुडोका इन्द्र बहादुर श्रेष्ठ रहेका थिए ।
मंगलबार सम्पन्न स्पोर्टस अर्वाडमा प्याराग्लाईडिङका प्रशिक्षक योगेश भट्टराईले उत्कृष्ट प्रशिक्षकको अर्वाड हात पार्दा नेपाली प्याराग्लाइडिङ टिमले खेल मार्फत नेपालको प्रतिष्ठालाई माथी उठाउन खेलेको भूमिका र एशियाली खेलमा महत्वपूर्ण रजत पदक जिताउन सफल रहेको भन्दै टिमलाई सम्मान गरिएको छ ।
यसैगरी, महिला वर्ष उत्कृष्ट खेलाडीको अर्वार्ड महिला फुटबलकी साबित्री भण्डारीले जित्न सफल भएकी छन् । उनले देश विदेशमा उत्कृष्ट प्रदशृनका साथ आफूलाई अब्बल सावित गरिसकेकी छिन् । यसैगरी, वर्ष उत्कृष्ट युवा खेलाडीको अवार्ड अजित कुमार यादवले हात पार्दा पिपुल्स च्वाइसको अर्वाड भलिबलकी रेश्मा भण्डारीले हात पारेकी छन् ।
तस्विर: सुदर्शन रञ्जित
सम्बन्धित खबर
पोखरा १५ मा नवनिर्मित मितेरी ढलान बाटो र ब्याडमिन्टन म्याटको उद्घाटन
अब अनलाइनबाटै वडाहरुबाट नागरिकताको सिफारिस
पोखरा १३ : सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
समावेशी शिक्षा मापदण्डको प्रारम्भिक मस्यौदा माथि छलफल
अन्नपूर्णमा सार्वजनिक सुनुवाइ, ३१ कार्यालयका प्रमुखको उपस्थिति
पत्रकार सन्तोष पोखरेल सम्मानित
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग