गण्डकी प्रदेश सभा सदस्यहरुको कोटमा सुनचाँदीको लोगो झुण्डिने भएको छ । प्लाष्टिले बनेको लोगो वर्ष दिनमै खुइलिन थालेको भन्दै कार्यव्यवस्था परामर्श समितिले टिकाउ र आकर्षक देखिने सुन जडित चाँदीको लोगो बनाउने निर्णय गरेको छ ।
नयाँ लोगो नेपालमा निर्माण नहुने भएकाले चीनको सांघाई प्रान्तमा बनाएर ल्याइनेछ । अहिले प्रयोग भइरहेको लोगो २ सय भन्दा कम मूल्यमा तयार पारिएको हो । यही प्लाष्टिको लोगो प्रदेशका मुख्मयन्त्रीदेखि मन्त्री र प्रदेशसभा सदस्यहरुले प्रयोग गर्दै आएका छन् ।
अब भने नयाँ एउटैको ६ हजार ५ सय रुपैयाँ पर्ने जनाइएको छ । जुन पहिले भन्दा झण्डै ३३ गुणा महंगो हो । अहिलेको लोगोमा रहेको दुवैतर्फको धानको बालामा सुनको लेपन हुनेछ। गत जेठ २० गते तेस्रोपटक संशोधन गरिएको प्रदेशसभा नियवमालीमा नयाँ अनूसूची थपेर सुन चाँदी जडित लोगो ल्याउन लागिएको हो। प्रदेशसभा सचिवालयले आर्थिक मामिला तथा योजना मन्त्रालयमा यससम्बन्धि प्रस्ताव पठाएको जनाएको छ ।
सभामुख नेत्रनाथ अधिकारी नेतृत्वको कार्यव्यवस्था परामर्श समितिको सिफारिसमा गठित ‘लोगो तथा पोशाक सिफारिस समिति’ ले गतवर्ष भदौ ३० गते गण्डकी प्रदेशको लोगो सार्वजनिक गरेको थियो ।
सम्बन्धित खबर
पोखरा १३ : सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
समावेशी शिक्षा मापदण्डको प्रारम्भिक मस्यौदा माथि छलफल
अन्नपूर्णमा सार्वजनिक सुनुवाइ, ३१ कार्यालयका प्रमुखको उपस्थिति
पत्रकार सन्तोष पोखरेल सम्मानित
रोटरी क्लब अफ पोखरा क्यापिटलको चार्टर प्रेजेन्टेसन तथा पहिलो पदस्थापन
पोखरा वडा नं. १३ मा सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग