पोखराको विजयपुर खोलामा नयाँ बनेको बेलिब्रिज पुल सञ्चालनमा आएको छ । शुक्रबार रातिदेखि सञ्चालनमा आउने भनिएपनि नटबोल्ट कस्न र वारीपारीका सडक तयार बनाउन समय लागेकाले शनिबार अपरान्हबाट मात्रै सञ्चालनमा आएको हो ।
यसअघिको पुल कमजोर भएकाले १० टन क्षमता बढीका सवारीलाई डाइभर्सन गरी खोलाबाटै आवतजावतको सुविधा मिलाइएको थियो । तर, त्यस डाइभर्सन पनि खोलामा आएको बाढीले तीन पटक बगाएकाले ४ दिनदेखि ठूला सवारी पोखरा भित्रन पृथ्वीराजमार्गबाट पाएको थिएन ।
आजबाट सञ्चालनमा आएको सो पुलमा यही हप्ताभित्र पिच गरिने भएको छ । पुल सञ्चालन अघि भारी सवारी डोजरलाई चलाएर परिक्षण पनि गरिएको थियो । यद्यपी, ३५ टन माथिका सवारी भने यो पुलबाट सञ्चालन गर्न पाईनेछैन । तर, नयाँ बन्दै गरेको पोखरा विमानस्थलका लागि सामान ल्याउने झण्डै ५० टन क्षमताका गाडीहरु भने यस बेलिब्रीज पुलबाट पनि चलाउन नपाउने भएको छ । त्यसकारण चिनियाँ टोलीले भत्किएको डाइभर्सन बनाउन सुरु गरिसकेको छ । वारीपारी बाटो पक्की नहुन्जेल रातको समयमा विजयपुर खोलाको यो नयाँ बेलिब्रीज पुलमा गाडी चलाउन पनि निषेध गरिएको छ ।
तस्विरः मनोज भुजेल
https://www.facebook.com/gandaknews/videos/2059341751040815/
http://gandaknews.com/bijaypur-belibridge/
सम्बन्धित खबर
पोखरा–दुबई उडानको एक वर्षको टिकट बुकिङ खुला
पोखरा बस दुर्घटनाको छानबिन गर्न महानगरले बनायो समिति
पोखरामा स्कुल बस दुर्घटना, ४ विद्यार्थीसहित ५ जनाको मृत्यु
गण्डकी प्रदेश प्रमुख भट्ट समक्ष अख्तियारको प्रतिवेदन पेस
नवप्रवर्तन र प्रविधिमैत्री शिक्षाका लागि एसओएस गण्डकी र एआईसीएनबीच सहकार्य
बेगनास तालमा डुबेर युवकको मृत्यु
यो पनि पढौँ
बिपुल क्षेत्रीको लाइभ कन्सर्ट कार्तिक १३ गते पोखरामा हुँदै
सशस्त्र प्रहरीका एआईजी वंशीराज दाहाल बर्खास्त
पोखरामा स्कुल बस दुर्घटना, ४ विद्यार्थीसहित ५ जनाको मृत्यु
त्रिविद्वारा ९५ हजारभन्दा बढी विद्यार्थीको ग्रेस लिस्ट सार्वजनिक, आगामी पुसमा दीक्षान्त समारोह गरिने