गत साता अस्ट्रेलियाको न्यू साउथ वेल्स राज्यस्थित कुमा शहरनजिकै दुई नेपाली विद्यार्थीको ज्यान जानेगरी भएको सवारी दुर्घटनामा परेका कार चालकलाई प्रहरीले पक्राउ गरेको छ । गत आइतबार भएको सवारी दुर्घटनामा स्याङ्जाबाट अष्ट्रेलिया पढ्न गएका स्याङ्जाका दुई विद्यार्थीहरु २२ वर्षीया समिक्षा सुवेदी र २१ वर्षीय गोपाल भण्डारीको ज्यान गएको थियो ।

उक्त कारका चालक २२ वर्षीय सागर भट्टराईलाई शुक्रबार सिड्नी शहरमा रहेको अन्तर्रा्ष्ट्रिय विमानस्थलबाट भाग्न लागेका बेला पक्राउ गरिएको अष्टे«लियन प्रहरीले जनाएको छ । जानकारका अनुसार स्याङ्जा वालिङ घर भई पोखरामै लामो समयदेखि बसेर सागर पढ्दै आएका थिए । एकै गाउँठाउँका साथीहरु अष्ट्रेलिया पुगेर पनि सँगै थिए र समय हुँदा रमाईलो गर्न लामो टुरमा जाने गर्दथे । सागरलाई हाल मास्कोट प्रहरी कार्यालयको हिरासतमा राखिएको र उनीविरुद्ध ज्यान लिनेगरी खतरनाक शैलीमा सवारी चलाएको दुई अभियोग, गलत काम गरी हानी र्पुयाएको दुई अभियोग र मानिसलाई गम्भीर हानी हुनेगरी खतरनाक शैलीमा सवारी चलाएको एक गरी पाँच अभियोग दर्ता गराइएको छ ।

सागर आफै दुर्घटनाका घाईते हुन् । मोरानो राजमार्गमा दुर्घटनाग्रस्त मज्दा ६ सेडान कारका चालक भट्टराईको टाउकोमा गम्भीर चोट लागेको थियो । गम्भीर चोट लागेका उनलाई राजधानी क्यानबेरा लगेर उपचार गरिएको थियो । त्यसपछि उनी अस्पतालबाट बाहिरिएर सिड्नी पुगी त्यहाँबाट नेपाल फर्कने योजनामा थिए । तर, प्रहरीको तीब्र अनुसन्धानपछि उनलाई पक्राउ गर्न सफल भएको जनाइएको छ ।

स्थानीय परामाता बेल कोर्टले उनको जमानत अस्वीकार गरेका कारण मुद्दाको अर्को सुनुवाइ हुने मिति सेप्टेम्बर २७ सम्म उनी हिरासतमै रहने अस्ट्रेलियाको एबीसी न्यूज समाचार संस्थाले जनाएको छ ।

सम्बन्धित समाचारः

http://gandaknews.com/car-acc-aus/