Gandak News
Our News Your Views
sag 11
Trade Mall
Lets

क्याननले ल्यायो नयाँ मोडलका दुई क्यामेरा, यस्ता छन् विशेषता

Loading...

जापानी क्यामेरा निर्माता कम्पनी क्याननले दुई नयाँ मोडलका क्यामेरा सार्वजनिक गरेको छ । क्याननले इओएस ९०डी र इओएस एम६ मार्क२ सार्वजनिक गरेको हो । समान क्षमता भएपनि भिन्नाभिन्नै आकारका यी क्यमेरामा ३२.५ मेगापिक्सलको एपीएस–सी इमेज सेन्सर राखिएको छ । डीआईजीआईसी ८ इमेज प्रोसेसर रहेका यी क्यामेरामा १/१६००० क्षमताको इलेक्ट्रोनिक सटर छ ।

त्यस्तै, यी क्यामेरामा अनक्रप्ड ४ के/३० भिडियो रेकर्डिङ, लाइभ भ्यूमा ५,४८१ सेलेक्टेबल पोइन्ट्स सहित डुअल पिक्सल अटोफोकस सुविधा छन् । दुबै क्यामेरामा वाईफाई, ब्लूटूथ कनेक्टिभिटी र युएसबी–सी समेत जडान गरिएको छ । ९० डी क्यामेरा अन्य मिड रेन्जको डीएसएलआर क्यामेराजस्तै रहेपनि एम६ मार्क२ भने सन् २०१७ मा सार्वजनिक गरिएको एम६ जस्तै छरितो देखिन्छ ।

एम६ मार्क २ मा १४ एफपीएस शुटिङ क्षमता रहेको छ भने ९० डीमा १० एफपीएस छ । यसअघि सन् २०१६ मा सार्वजनिक गरिएको ८० डी क्यामेरामा केबल ७ एफपीएस शुटिङ क्षमता रहेको थियो ।

दुबै क्यामेरा आगामी महिनाबाट उपलब्ध हुने बताइएको छ । ९० डी क्यामेराको मूल्य १,१९९ अमेरिकी डलर तोकिएको छ भने एम६ मार्क २ को मूल्य ८४९.९९ अमेरिकी डलर तोकिएको छ । दुबै क्यामेराका लागि बेग्लै क्यानन लेन्स किट पनि उपलब्ध छ ।

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

महिनाभर सर्वाधिक पढिएको