तनहुँ । तनहुँ दमौलीको थप ६ स्थानमा निशुुल्क वाईफाईको सुविधा थप हुने भएको छ । बुधवार वल्र्डलिंक कम्युनिकेशन प्रा.लि.को निमचोक स्थित कार्यालयमा सो सम्बन्धि सम्झौता भएको हो ।

सम्झौतामा व्यास नगरपालिकाको तर्फबाट नगर प्रमुख वैकुण्ठ न्यौपाने र वल्डलिंक कम्युनिकेशनका तर्फबाट सिइओ केशव नेपालले हस्तास्क्षर गरेका हुन ।

सम्झौता अनुसार सवै स्थानमा उपकरण सहित ५ वर्षका लागि वल्डलिंकले निशुल्क वाईफाइको व्यवस्था गर्ने उल्लेख गरिएको छ । सोका लागि नगरपालिकाले कुनै पनि शुल्क तिर्नु नपर्ने बताइएको छ ।

सम्झौतामा हस्ताक्षर गर्दै नगर प्रमुख न्यौपानेले व्यास नगरपालिकालाई स्मार्ट सिटिको रुपमा विकास गरिने बताए ।

त्यस्तै कम्पनीका सिइओ नेपालले सामाजिक उक्तरदायित्व अन्र्तगत सुविधा उपलव्ध गराएको जानकारी दिए ।
सम्झौता अनुसार व्यास ३ को दुुर्गा मन्दिर क्षेत्र, देवी देउराली पुस्तकालय तथा देउरालीनगर सिकाई केन्द्र, वि.पि. वनवाटिका खेल मैदान तथा पाञ्चायन मन्दिर एवं जेष्ठ नागरिक केन्द्र, दमौली अस्पताल तथा पार्क क्षेत्र, व्यानपाको पुस्तकालय, वडा नं २ को कार्यालय र वडा नं ४ को वडा कार्यालय तथा कालिका जंगल पार्क क्षेत्रमा ५ वर्षका लागी निशुल्क वाईफाई सेवा उपलव्ध गराउन लागिएको व्यास ३ का वडा सदस्य रबिन पौडेलले जानकारी दिए ।

यस अघि वल्र्डलिंकले नै अनसन चौतारा क्षेत्र तथा निमचोकमा निशुल्क वाईफाई सुविधा उपलव्ध गराईसकेको छ ।