Gandak News
Our News Your Views
Lets

दशैकै दिन तनहुँको भानुमा चितुवाको आक्रमणबाट ४ वर्षीय बालकको मृत्यु

Loading...

तनहुँ । बडादशैकै दिन चितुवाको आक्रमणबाट तनहुँको भानुमा एक बालकको मृत्यु भएको छ ।

मंगलबार साझ चितुवाको आक्रमणबाट घाइते भएका ४ वर्षीय आशिष बानियाँको उपचारको क्रममा मृत्यु भएको प्रहरीले जनाएको छ ।

चितुवाको आक्रमणबाट घाइते भएका बालकको डुम्रेस्थित लक्ष्मी अस्पतालमा उपचारको क्रममा साझ ७ बजे मृत्यु भएको हो ।

भानु नगरपालिका वडा नं १ जामुनेगैह्रा स्थित आफ्नै घर नजिक पिङ खेलिरहेका अवस्थामा साझ ५:३० बजे चितुवाले आक्रमण गरेको थियो ।

‘साझ आफ्नै घर नजिक टौवामा राखिएको पिङ खेल्दै गर्दा चितुवाले आक्रमण गरेको रैछ’ जिल्ला प्रहरी कार्यालय तनहुँका डिएसपी लिलाराज लामिछानेले भने ‘अस्पतालमा उपचारका क्रममा बालकको मृत्यु भएछ ।’

पिङ राखिएको टौवा घरबाट कतिब २ सय मिटरको दुरिमा रहेको प्रहरीले जनाएको छ ।

भानुमा फेरि चितुवाको आक्रमण भएको हो । यसअघि पनि भानु क्षेत्रमा पटक-पटक चितुवाले आक्रमण गर्दै आइरहेको छ ।

Loading...

भानु नगरपालिका क्षेत्रमा यस अगाडि अघिल्लो आर्थिक वर्ष पनि चितुवाको आक्रमण परी ४ जना बालबालिकाको ज्यान गएको थियो । जुन घटनाका कारण स्थानीयहरु निकै त्रसित भईरहेका थिए । यो पछिल्ला घटनाले झन स्थानीयहरु त्रसित हुन पुगेका छन् ।

डिभिजन वन कार्यालय तनहुँका प्रमुख केदार बराल तनहुँ जिल्लामा सबैभन्दा बढी मानव वन्यजन्तु द्धन्द्धको घटना भानु नगरपालिकामा भएको बताउँछन् ।

गत बुधबार राति मात्रै एउटा चितुवा खोरमा परेको थियो । स्थानीय सामुदायिक वनले भानु वडा नं २ मा पर्ने जंगलमा बनाएको काठको खोर बनाएका थिए । भानु नगरपालिकाको कार्यालय नजिकै नारेश्वटारमा बनाइएको काठे खोरमा चितुवा परेको थियो।

उक्त चितुवालाई सन्तनगर रुपन्देही पठाइएको थियो ।

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

महिनाभर सर्वाधिक पढिएको