तनहुँ । रोट्रयाक्ट क्लब अफ दमौली, रोट्रयाक्ट क्लब अफ पर्वत पोखरा र रोट्रयाक्ट क्लब अफ लिबर्टी कलेजद्वारा रत्न माध्यमिक विद्यालयमा कम्प्युटर वितरण गरिएको छ ।

शुक्रबार म्याग्दे गाउँपालिका-६ स्थित रत्न माविमा कम्प्युटर वितरण गरिएको रोट्रयाक्ट क्लब अफ दमौलीका अध्यक्ष मनोज राउतले बताए । प्राविधिक शिक्षालाई विशेष ध्यानमा राखेर विकट ठाँउको विद्यालय छनौट गरि कम्प्युटर वितरण गरिएको अध्यक्ष राउत बताउँछन् ।

तिन वटा रोट्रयाक्ट क्लबले संयुक्त रुपमा ५ थान कम्प्युटर वितरण गरेको रोट्रयाक्ट क्लब अफ पर्वत पोखराका अध्यक्ष रबिन पोख्रेलले बताए ।

कार्यक्रमको अध्यक्षता रोट्रयाक्ट क्लब अफ दमौलीका अध्यक्ष मनोज राउत र रोट्रयाक्ट क्लब अफ पर्वत पोखराका अध्यक्ष रविन पोख्रेलले संयुक्त रुपमा गरेका थिए ।

कार्यक्रमको प्रमुख अतिथि नेष्डो नेपालका कार्यकारी निर्देशक एवं रोटरीयन विश्वप्रकाश प्रसाई रहेका थिए ।
सो अवसरमा प्रमुख अतिथि प्रसाईले युवाहरु सामाजिक र शैक्षिक काममा लाग्नु राम्रो भएको बताए । युवा सहि बाटोमा हिडेर अन्य युवालाई पनि सोही सहि मार्गमा हिड्न रोटरी र रोट्रयाक्ट क्लबले गर्ने उनले बताए ।

विद्यालयमा १३२ जना विद्यार्थी अध्यनरत रहेको विद्यालयका प्रअ रमेश भट्टराईले जानकारी दिए ।

विकट क्षेत्रका विद्यार्थीलाई सहयोग गर्न पाउँदा खुशी लागेको कार्यक्रमका संयोजक आशिफ अलि शेखले बताए । कम्प्युटरको मुख्य प्रायोजन लिबर्टी कलेजले गरेको थियो ।

कार्यक्रममा म्याग्दे गाउँपालिका शिक्षा शाखा प्रमुख बुद्धिसागर खनाल, म्याग्दे-६ का वडाअध्यक्ष बसन थापा, विद्यालय व्यवस्थापन समितिका अध्यक्ष केशबहादुर राना, विद्यालयका प्रधानाध्यापक रमेश भट्टराई लगाएले बोलेका थिए ।

कार्यक्रमको स्वागत रोट्रयाक्ट क्लब अफ दमौलीकि साप कोर्डिनेटर सन्जु घलेले गरेकी थिइन भने संचालन रोट्रयाक्ट क्लब अफ पर्वत पोखराकी सचिव सुष्मा प्रसाईले गरेकी थिइन ।

त्यस्तै नेष्डो समृद्ध लघुवित्त वित्तीय लिमिटेडले विद्यार्थीहरु लाई सरसफाईका सामग्रीहरु वितरण गरेको थियो ।