प्रधानमन्त्री केपी शर्मा ओलीले एक्सन रुमबाटै पोखरा एयरपोर्टबारे बुझेका छन् । उनले देशका ठूला आयोजनाको अनुगमन गरेका हुन् ।

बुधबार सिंहदरबारस्थित प्रधानमन्त्री कार्यालयको एक्सन रूमबाट पोखरा सहित भैरहवा अन्तर्राष्ट्रिय विमानस्थल, माथिल्लो तामाकोशी जलविद्युत आयोजना, भेरी बबई डाइभर्सन, रानीजमरा र सिक्टा सिँचाइलगायत राष्ट्रिय गौरबका आयोजनाको अनुगमन गरेको जनाइएको छ । विभागीय मन्त्रीहरूलाई साथै राखेर प्रधानमन्त्रीले ती आयोजनाको प्रगती विवरण लिएको जनाइएको छ।

https://www.facebook.com/gandaknews/videos/1418592378293495/

राष्ट्रिय गौरवका आयोजना अन्तर्गत भएका कामहरु मध्ये समय तालिका भन्दा छ महिना अगाडि नै सक्ने लक्ष्य लिएर काम भइरहेको पोखरा क्षेत्रिय अन्तर्राष्ट्रिय बिमानस्थल गतिविधिको बारेमा बताउँदै प्रोजेक्ट म्यानेजर ई. बिनेश मुनाकर्मीले काम तीब्र गतिमा अघि बढिरहेको जनाए ।