चैत्र २८ गते प्रदर्शनको तयारीको क्रममा रहेको चलचित्र प्रेमगीत ३ को पहिलो गीत सार्वजनिक गरिएको छ । ‘हात्ती ढुंगामा’ बोलको गीतमा चलचित्रका मुख्य कलाकार प्रदीप खड्का र क्रिष्टिना गुरुङ फिचर्ड रहेका छन् । प्रदीपको फरक अवतार रहेको चलचित्र दुई सय वर्ष पुरानो प्रेमकथामा आधारित रहेको छ भने मनाङमा छायांकन गरिएको गीतको मुड, भिडियोमा प्रयोग भएका पहिरण र भेषभुषा फरक छन् ।
गीतमा कलाकार सुनिल थापा र माओत्से गुरुङको पनि केहि झलक समावेश भएको छ जसले गीतसँग कथा जोड्नमा भूमिका खेलेको छ । मेलिना राई र सागर आलेको स्वर रहेको गीतमा कल्याण सिंहको संगीत रहेको छ । हर्क साउदको शब्द रचनामा कविराज गहतराजले कोरियोग्राफी गरेका छन् । गीतका शब्दले शिर्ष दुई पात्र बीचको प्रेम पनि दर्शाउँछ ।
छेतेन गुरुङ र सन्तोष सेनले निर्देशन गरेको चलचित्रमा प्रदीप र क्रिष्टिनासँगै शिव श्रेष्ठ, सुनिल थापा, सन्तोष सेन, माओत्से गुरुङ, मनिष राउत, पुस्कर कार्की, प्रेम पुरी, लक्ष्मी बर्देवा, अनुभव रेग्मी, योगिशा खत्री, सम्वृद्घि शाही ठकुरी, क्रिजन गौतम, जीवन बराल, जीवन भट्टराई, सुजल बस्नेत लगायतका कलाकारको पनि अभिनय रहेको छ ।
कल्याण सिंह र एलिश कार्कीको संगीत रहेको सिनेमामा राजेश श्रेष्ठले डिओपी, हिमाल केसीले एक्सन, कविराज गहतराजले कोरियोग्राफी र बनिश शाह/भुपेन्द्र अधिकारीले सम्पादनको काम गरेका छन् । सिनेमामा छेतेन गुरुङ र मन्दीप गौतमको लेखन छ ।
सम्बन्धित खबर
‘महाजात्रा’ को दोस्रो गीत ‘मुरी मुरी साथी’ सार्वजनिक (भिडियो)
‘महाजात्रालाई १० मा ९.५ नम्बर दिन्छु’ : अध्यक्ष ओली
आज हिमाली र पहाडी क्षेत्रमा होली पर्व मनाइँदै, सार्वजनिक बिदा
रेवान पोखराले स्वदेशी विदेशी सामेल गरि होली महोत्सव गर्ने
सिनेमा हेरिसकेपछि प्रतिक्रियाका लागि कास्कीका दुई हलमा चपसले राख्यो रिभ्यू बक्स
मदन र मायाको `पिरैले सुकाउँछ ज्यान´ सार्वजनिक [भिडियो]
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग