किरण श्रेष्ठ, तनहुँ । मिर्लुङ्गकोटको प्रचारप्रसार गर्न पाचौं मिर्लुङ्गकोट पर्यटन महोत्सव सुरु भएको छ । तनहुँको भानु १३ मिर्लुङ्गकोट रानिपोखरीमा शुक्रबार देखी महोत्सव सुरु भएको छ । महोत्सव आगामी २० गतेसम्म हुनेछ ।
मिर्लुङ्गकोट पर्यटन सुचना केन्द्रको आयोजना तथा भानु नगरपालिकाको सहआयोजनामा उक्त महोत्सव भएको हो ।
महोत्सवको गण्डकी प्रदेशका उद्योग, पर्यटन, वन तथा वातावरणमन्त्रि विकास लम्सालले शुक्रबार उद्घाटन गरेका थिए । सो अवसरमा मन्त्री लम्सालले मेला महोत्सवले डाडा र गाउँमा समेत आन्तरिक पर्यटक भित्र्याउने बताए । पौराणिक र ऐतिहासिक स्थलहरुको संरक्षण गर्न सके राष्ट्रिय तथा अन्तराष्ट्रिय स्तरमा पुग्न सकिने मन्त्री लम्सालले बताए । बाह्य पर्यटकका लागि हिड्ने रुटको संरक्षण र ठाउँ ठाउँ विश्राम स्थल संगै पसल र बाँसका लागि होमस्टेको समेत व्यवस्था गर्नुपर्ने उनले बताए ।
स्थानिय पर्यटकीय गन्तव्यहरुको राष्ट्रिय तथा अन्तराष्ट्रिय क्षेत्रमा पहिचान र प्रचारप्रसार गर्ने उद्धेश्य महोत्सव गरिएको मिर्लुङ्गकोट पर्यटन सुचना केन्द्रका अध्यक्ष सम्सेर बहादुर लम्सालले बताए ।
महोत्सवमा पर्यटन विकास सम्बन्धि अन्तरक्रिया कार्यक्रम, सांस्कृतिक तथा लोक दोहोरी कार्यक्रम हुने अध्यक्ष लम्सालले बताए । महोत्सवमा प्याराग्लाईडिङ्ग, कृषि तथा जडिबुटी प्रदर्शनी, सांस्कृतिक ग्रामको भ्रमणको समेत व्यवस्था रहेको लम्सालले बताए ।
स्थानिय कलाकारहरुलाई यसपाली महत्वका साथ स्थान दिइएको केन्द्रका सचिव इमान थापाले बताए । स्थानिय खानाका परिकार र जडिबुटी तथा कन्दमुलको प्रदर्शनी तथा खरिदबिक्री समेत् हुने थापाले बताए ।
लालिगुराँस मुख्य आकर्षण
महोत्सव स्थल वरपरका जंगलमा अहिले राताम्मे लालिगुराँस फुलेका छन । महोत्सवमा जाने अधिकांस युवा युवतीदेखि वृद्धवृद्दा समेत लालिगुराँस फुल टिप्ने र फोटो खिच्ने गरेको देखिन्छ ।
लालिगुराँस नेपालको राष्ट्रिय फुल समेत हो । साथै मिर्लुङ्गकोटबाट पहाडका तरेली समेत हेर्न सकिन्छ । पहाडकी महारानी समेत भनेर मिर्लुङ्गकोटलाई चिनिन्छ ।
कसरि पुग्ने ?
महोत्सव मिर्लुङ्गकोटमा अवस्थित रानीपोखरी वरपरको क्षेत्रमा सुरु भएको हो । तनहुँको डुम्रेबजार हुदैँ भानु नगरपालिका हुदै मिर्लुङ्गकोट पुग्न सकिन्छ ।
उक्त रानीपोखरि धर्माङ्गगत राजाको दरबार अगाडी रहेको ऐतिहासिक पोखरी हो । आकाशबाट आएको पानिबाट पोखरी बनेको छ । मिर्लुङ्गकोटको केहि तल दक्षिणतर्फ समुन्द्री सतहबाट करिब १५३९ मिटर उचाईमा उक्त पोखरी अवस्थित छ । तनहुँको दोस्रो अग्लो चुचुरो समेत हो, मिर्लुङ्गकोट ।
सम्बन्धित खबर
एन प्याब्सनको बृहत् बाल प्रतिभा पहिचान महोत्सव तथा खेलकुद, १५ सय विद्यार्थी प्रतिस्पर्धा गर्दै
‘प्रथम वालिङ सडक खाना महोत्सव’ भोलि एक दिन थपिने
बिरुवा राष्ट्रपति रनिङ शिल्डको उपाधि भुरुङचौकी माविलाई
फेदीखोलामा नदीजन्य पदार्थ उत्खनन र ओसारपसार गर्ने दुई ट्याक्टर नियन्त्रण
सडक खाना महोत्सवका अवसरमा वालिङमा सार्वजनिक बिदा
प्रदेश प्रमुखबाट उधौली पर्व, यःमरि पुन्ही, धान्यपूर्णिमा तथा ज्यापु दिवसका अवसरमा शुभकामना सन्देश
यो पनि पढौँ
पोखराका मेयरको घरमा आगजनी र लुटपाट गर्ने रास्वपाका वडा सभापतिसहित ४ जना कारागार चलान
कास्कीका प्रमोद ढकाललाई यौन दुरुपयोग गरेको अभियोगमा बेलायतमा २५ वर्षको जेल सजाय
प्रेमीको हत्या गरेपछि २० वर्षीया युवतीले गरिन् शवसँग बिहे
एभरग्रीन एकेडेमीका विद्यार्थीले प्रस्तुत गरे ‘कल्चरल शो’