पोखरा । विश्वभर महामारीको रुपमा फैलिइरहेको नोवेल कोरोना भाइरस (कोभिड—१९) को रोकथामको लागि गण्डकी प्रदेश सरकारले १५ करोड रुपैयाँको कोरोना कोष खडा गरेको छ ।
बुधबार बसेको मन्त्रिपरिषद् बैठकले यस्तो निर्णय लिएको हो । गण्डकी प्रदेश सरकारका प्रवक्ता तथा भौतिक पूर्वाधार विकास मन्त्री रामशरण बस्नेतका अनुसार कोषमा सातै मन्त्रीले एक महिनाको तलब जम्मा गर्ने छन् ।
उनका अनुसार प्रदेशसभा सदस्य, अन्य जनप्रनिनिधि, राष्ट्रसेवक कर्मचारी, नीजि क्षेत्र तथा संघ÷संस्थालाई समेत कोषमा रकम जम्मा गर्नका लागि अनुरोध गरिएको छ ।
आर्थीक मामिला तथा योजनामन्त्री किरण गुरुङको संयोजकत्वमा बनेको पाँच सदस्यीय कोरोना रोकथाम, नियन्त्रण र व्यवस्थापन समितिले आजदेखि नै लागू हुने गरि काम अघि बढाउँने छ । समितिमा आन्तरिक मामिला तथा कानूनमन्त्री हरिबहादुर चुमान, भौतिक पूर्वाधारमन्त्री बस्नेत, सामाजिक विकासमन्त्री नरदेवी पुन र सरकारका प्रमुख सचिव हरिप्रसाद बस्याल सदस्य सामेल छन् ।
मन्त्रिपरिषद्को निर्णयअनुसार प्रदेशका एघारै जिल्ला अस्पताललाई कोरोनाका लागि आवश्यक स्वास्थ्य सामग्री खरीद गर्न पाच लाख उपलब्ध गराइने प्रवक्ता बस्नेतले जानकारी दिए । यसअघि नै सरकारले सबै जिल्ला अस्पताललाई पाच लाख पठाई सकेको छ ।
प्रदेश सरकारले थप रकम निकासा गर्ने आजको मन्त्रिपरिषद् बैठकको निणर्य छ । राष्ट्रिय बाणिज्य बैंकमा यो कोषको रकम जम्मा हुने छ ।
सम्बन्धित खबर
वर्षाले पोखरा-मुग्लिन सडक विस्तार कार्य प्रभावित
पर्यटक भित्राउन चैत अन्तिम साता घान्द्रुकमा महोत्सव
पोखरा स्वास्थ्य केन्द्र भवनबाट सरकारी कागजात चोर्नेहरू पक्राउ
नेपाल पर्यटन बोर्ड पोखरा स्पोर्टस् अवार्डको प्रवर्द्धक
डाइनामिक युथ लिडर दर्शन लोकप्रिय मतका साथ सचिवमा निर्वाचित
एमाले कास्की अध्यक्षमा बैनबहादुर अधिकारी क्षत्री निर्वाचित, अधिकारीको प्यानल नै विजयी
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग