धनुषा । लकडाउनको कारण पीडामा परेको परिवारलाई राहत वितरण गर्ने विषयमा विवाद हुँदा स्थानीय तहका जनप्रतिनिधिले कार्यालय तोडफोड गरेका छन् ।
राहत वितरणको विषयमा विवाद हुँदा धनुषाको धनौजी गाउँपालिका कार्यालय जनप्रतिनिधिले नै तोडफोड गरेका हुन् ।
गाउँपालिकाका अध्यक्ष बद्री सिंह र वडा नम्बर ३ का अध्यक्ष रामदुलार मण्डल पक्षका व्यक्तिहरूबीच विवाद भएपछि गाउँपालिकाको कार्यालयमा तोडफोड भएको हो । तोडफोडबाट कार्यालयभित्रको पार्टिसनमा क्षति पुग्नुका साथै एक दर्जन प्लाष्टिकका कुर्सी भाँचिएको अध्यक्ष सिंहले जानकारी दिए ।
अध्यक्ष सिंहलाई वडाध्यक्ष पक्षधरले केहीबेर कार्यालयमै थुनेका थिए । घटनालगत्तै सुरक्षाकर्मी पुगेपछि उनीहरुबीचको विवाद साम्य भएको थियो । अध्यक्ष सिंहले वडाध्यक्षसँग चर्काचर्की सुरु गरेपछि झडपको स्थिति सृजना भएकोले आफुहरु बाहिर निस्केको एक कर्मचारीले बताए ।
वडाध्यक्ष मण्डलले राहतका लागि ९ सय २६ जनाको विवरण लिएर आएपछि विवाद सृजना भएको थियो । विवरणमा सर्वदलीय समितिमा रहेका पार्टी प्रतिनिधिको हस्ताक्षर नरहेको अध्यक्ष सिंहको भनाई छ । नाम विवरणमा प्रतिनिधिको हस्ताक्षर नरहेको भन्दै वडाध्यक्षले ल्याएको कागजहरु अध्यक्ष सिंहले फालिदिएपछि झडप भएको थियो ।
यता, वडाध्यक्ष मण्डलले राहत वितरणका लागि विवरण लिएर गाउँपालिका कार्यालयमा पुग्दा अध्यक्ष सिंहले बेवास्ता गरेको र पीडित परिवारको नाम सहितको विवरण फाइल फालेपछि विवाद भएको बताए । गाउँपालिकाका अध्यक्ष सिंह नेपाली काङ्ग्रेसका कार्यकर्ता हुन् भने वडा अध्यक्ष मण्डल नेकपाका कार्यकर्ता हुन् ।
सम्बन्धित खबर
गण्डकी र बागमतीका प्रदेश प्रमुखबीच पोखरामा भेटवार्ता
भद्रगोलबीच रास्वपाका १३ सय ५२ प्रतिनिधिले गरेनन् मतदान
विद्यार्थीले आन्दोलन थालेपछि शिक्षामन्त्रीले भने– कक्षा १२ को नतिजामा त्रुटि छैन
‘प्रदेश खारेजको नीति लिएर रास्वपाले समाजमा राजनीतिक द्वन्द्वको बीउ नरोपोस्’
ग्रिनेड पड्किँदा सैनिक हवल्दारको मृत्यु, एक घाइते
रास्वपाका नेता, कार्यकर्ता महाधिवेशन नसकिँदै चितवन छाड्न थाले, महाधिवेन भद्रगोल
यो पनि पढौँ
रवि लामिछानेसँग सभापति भिड्न आँटेका साहलाई प्रतिनिधिबाट हटाइयो
हिरासतभित्रै छिरेर ज्यान मार्ने धम्की दिएको भन्दै गृहमन्त्री गुरुङविरुद्ध उजुरी
फेवातालमा बेपत्ता युवकको शव फेला
जेठी श्रीमती मार्दा कैद मिनाहा पाएका यामबहादुरले कान्छीलाई पनि बाँकी राखेनन्