काठमाडौं । बहराइनमा थप २७ नेपालीमा कोरोना भाइरस (कोभिड–१९) को संक्रमण भएको छ ।
यससँगै बहराइनमा कोरोना संक्रमित नेेेपालीको संख्या ४९ पुुगेको छ ।
त्यहाँ रहेको नेपाली दूतावासले थप २७ जनामा संक्रमण देखिएको पुष्टि गरेको छ ।
बहराइनमा अहिलेसम्म ९९० जनामा संक्रमण देखिएको छ । उनीहरु मध्ये ७ जनाको मृत्यु छ । तीन जनाको अवस्था गम्भीर छ भने सात सय तीन जना निको भएका छन् ।
दूतावासका दामोदर दाहालका अनुसार फरक-फरक श्रमिक क्याम्पमा बसेकाहरुमा परीक्षण गर्दा संक्रमण पुष्टी भएको बताए । दूतावासले संक्रमित कामदारहरूको परिचय र उनीहरु काम गर्ने कम्पनीहरूको नाम गोप्य राखेको छ ।
‘कोही सँगै बस्नेहरु संक्रमित भएका छन्, कोही संक्रमितलाई भेटेकाहरु पनि छन्,’ दाहालले भने,’यहाँको ट्रेसिङ र स्क्रीनिङ सिस्टम ज्यादै राम्रो छ । यहाँ आशंका गरिएकालाई तुरुन्तै स्तरीय तवरमा क्वारेन्टाइन गरेर परीक्षण गरिने भएकाले विरामी छ भने भेटिहाल्ने अवस्था छ ।’
दाहालले बहराइन खाडी मुलुकभित्रको भ्रमणको लागि आकर्षक गन्तब्य भएको र यहाँ कार्यरत नेपालीहरुले विदेशबाट आएकाहरुलाई आतिथ्यता दिनुपर्ने कारणले नेपाली संक्रमित धेरै भएको हुनसक्ने बताए ।
‘यहाँ संक्रमण भएपछि उपचार पनि निकै राम्रोसँग हुन्छ, विश्व स्वास्थ्य संगठनले नै बहराइनको उपचार शैलीको प्रशंसा गरेको छ,’ उनले भने,’बिरामीहरुलाई कुनै प्रकारको खतरा हुँदैन भन्ने हाम्रो विश्वास छ ।’
दूतावासले बहराइनमा मृत्युदर कम भएको र उपचार पनि राम्रो भएकाले कसैलाई पनि नआत्तिन आग्रह गरेको छ ।
सम्बन्धित खबर
आजको मौसम पूर्वानुमान
सरकार कामबाटै जनतामा आशा जगाउन चाहन्छ: सञ्चारमन्त्री गुरुङ
सौर्य एयरलाइन्सले भन्यो– पीडित परिवारजनलाई कम्पनीको तर्फबाट सहयोग हुन्छ
नयाँ मौद्रिक नीति सार्वजनिक, बैंकदर र निक्षेप संकलनदर घटाइयो [पूर्णपाठ]
सन्दीपविरुद्ध सर्वोच्चमा पुनरावेदन नगर्ने गौशाला २६ को निर्णय
कीर्तिपुर नगरपालिकाका मेयर नकर्मीको निधन
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग