पोखरा स्थित एक फर्निचर उद्योगमा शनिबार आगलागी भएको छ । पोखरा महानगरपालिका ९ नागढुङ्गास्थित विशेष फर्निचर उद्योगमा आगलागी हुँदा करोडौं बराबरको धनमालको क्षति भएको छ । आगलागीबाट फर्निचरका धेरैजसो सामग्री जलेर नष्ट भएका छन् ।
साढे ११ बजेदेखि लागेको आगो नियन्त्रणमा लिन नेपाली सेना, सशस्त्र प्रहरी, नेपाल प्रहरीलगायत स्थानीय एक घण्टा बढी खटिएका थिए । सबैको सहयोगमा आगलागी नियन्त्रणमा लिइएको प्रहरीले जानकारी दिएको छ ।
आगलागीबाट भौतिक क्षति भए पनि कुनै मानवीय क्षति भने भएको छैन । आगलागी भएको ठाउँमा जानका लागि बाटो सानो भएका कारण दमकल जान नसकेपछि पछाडिको भागबाट बोरिङ्गको ट्यांकरको सहायताले आगलागी नियन्त्रणमा लिइएको हो । नजिकका भैंसी पालन फार्ममा पनि असर पर्दा भैंसीलाई बारीमा बाँध्न परेको थियो ।
व्यवसायीहरु दुर्गा प्रसाद भट्टराई र बिकास क्षेत्रीले डेढ वर्षअघि सो फर्निचर सञ्चालनमा ल्याएका थिए । आगलागीका कारण झण्डै करोड बढीको क्षति भएको संचालक भट्टराईले दुःखेसो पोखे ।
लकडाउनको समय भएकाले फर्निचरमा कामदार थिएनन् । विद्युत सर्ट भएको अनुमान गरिएको छ । स्थानीयले पनि पड्किएको आवाज आएको बताएका छन् । इन्भर्टर पड्केको प्रारम्भिक अनुसन्धानमा खुलेको प्रहरीले जनाएको छ ।
सम्बन्धित खबर
अन्नपूर्णमा सार्वजनिक सुनुवाइ, ३१ कार्यालयका प्रमुखको उपस्थिति
पत्रकार सन्तोष पोखरेल सम्मानित
रोटरी क्लब अफ पोखरा क्यापिटलको चार्टर प्रेजेन्टेसन तथा पहिलो पदस्थापन
पोखरा वडा नं. १३ मा सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
एक महिने श्रीमदवीतक चर्चा एवं श्रीकृष्ण कथा प्रवचन सुरु
अपाङ्गमैत्री कानून निर्माणको मस्यौदा प्रदेश सरकारलाई हस्तान्तरण
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग