पोखरा । जापानमा कोरोना भाइरस (कोभिड–१९) को कारण घोषणा गरिएको आपतकालीन अवस्था मे ३१ सम्म लम्ब्याइएको छ ।
जापानका प्रधानमन्त्री सिन्जो आबेले सोमबार मुलुकभर लगाइएको आपतकालीन अवस्था मे महिनाभर जारी रहने घोषणा गरेका हुन् ।
हाल लगाइएको संकटकाल मे ७ अर्थात आउँदो बिहीबार सकिँदैछ । त्यसपछि थप २१ दिनका लागि संकटकाल थपिएको हो ।
प्रधानमन्त्री आबेले कोरोना भाइरस नियन्त्रणको लागि बनाइएको सरकारी कार्यदलसँगको बैठकपछि मे महिनाभर आपतकाल जारी राख्ने घोषणा गरेका हुन् । बैठकले कोरोना भाइरस नियन्त्रणको लागि जापानमा आपतकाल जारी राख्नु जरुरी रहेको निष्कर्ष निकालेको हो ।
प्रधानमन्त्री आबेले अहिले लम्ब्याइएको लकडाउनको अवधिमा मुलुकमा आपतकाल अन्त्य गर्न चालिने आगामी कदमबारे तयारी गरिने बताएका छन् । उनले सबै मानिसलाई भौतिक दूरी कायम राख्न पनि आग्रह गरेका छन् ।
जोन्स हप्किन्स युनिभर्सिटीको तथ्यांक अनुसार अहिलेसम्म जापानमा कोरोना भाइरसबाट संक्रमित हुने मानिसको संख्या १४ हजार आठ सय ७७ पुगेको छ भने चार सय ८७ जनाको कोरोना भाइरसको कारण मृत्यु भएको छ ।
स्रोत : क्योदो न्युज
सम्बन्धित खबर
बाइडेनले त्यागे राष्ट्रपतिको उम्मेदवारी, कमला ह्यारिसलाई समर्थन
बंगलादेशमा राष्ट्रव्यापी कर्फ्यु जारी, ज्यान गुमाउनेको सङ्ख्या ३५ पुग्यो
अमेरिकी राष्ट्रपति बाइडेनलाई कोरोना संक्रमण
अमेरिकाका पूर्व राष्ट्रपति डोनाल्ड ट्रम्प सुरक्षित, बाइडेनद्वारा घटनाको निन्दा
अक्षय कुमारलाई कोरोना संक्रमण
श्रीलङ्काका कप्तान हसरंगाले दिए राजीनामा
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग