काठमाडौं । कोरोना भाइरस (कोभिड-१९) को उद्गमस्थल मानिएको चीन बिस्तारै सामान्य बन्दै गएको छ ।
सबैभन्दा पहिले कोरोना भाइरसको बिरामी फेला परेको वुहान सहरमा बुधबारदेखि विद्यालयहरु खुलेका छन् । बुधबारबाट नौ देखि १२ कक्षासम्मका विद्यार्थीहरु विद्यालय जान थालेका हुन् ।
विद्यालय खुले पनि विद्यार्थीहरुले विद्यालय जानुभन्दा अगाडि कोरोना भाइरस (कोभिड-१९) परीक्षण गर्नु अनिवार्य गरिएको छ ।
साथै उनीहरुले विद्यालय भौतिक दुरीको नियम पनि पालना गर्नुपर्ने बताइएको छ । चीनको अन्य प्रान्तका १२ कक्षाका विद्यार्थीहरु यसअघि गत मार्चदेखि नै विद्यालय जान थालेका थिए ।
पछिल्लो ३२ दिनयता वुहान मात्र नभई हुबेई प्रान्तमा नै कुनै पनि नयाँ संक्रमित फेला परेका छैनन् । त्यसैले वुहानले पनि बुधबारदेखि विद्यालय खोल्ने निर्णय गरेको हो ।
यसअघि नै बिस्तारै वुहानमा प्रतिबन्ध हट्दै आएको थियो । बुधबार बुहानमा ५७ हजार आठ सय विद्यार्थीहरु विद्यालय फर्किने बताइएको छ । एक सय २१ विद्यालयहरु खुल्नेछन् ।
बुधबार चीनमा केवल दुई नयाँ संक्रमित फेला परेका छन् । यससँगै चीनमा कोरोना भाइरसबाट संक्रमित हुनेको संख्या ८२ हजार ८८३ पुगेको छ ।
साथै यसबाट मृत्यु हुनेको संख्या पनि चार हजार ६ सय ३३ पुगेको छ । चीनमा अब तीन सय ५० भन्दा पनि कम बिरामी बाँकी निको हुन बाँकी छन् । जसमध्ये २६ जनाको अवस्था गम्भीर छ ।
यद्यपि चीनको तथ्यांकमा भने विभिन्न किसिमको आशंका व्यक्त गरिँदै आएको छ । विशेषगरी अमेरिकाले चीनले वास्तविक संख्या लुकाइरहेको बताउँदै आएको छ ।
स्रोत : बीबीसी
सम्बन्धित खबर
बाइडेनले त्यागे राष्ट्रपतिको उम्मेदवारी, कमला ह्यारिसलाई समर्थन
बंगलादेशमा राष्ट्रव्यापी कर्फ्यु जारी, ज्यान गुमाउनेको सङ्ख्या ३५ पुग्यो
अमेरिकी राष्ट्रपति बाइडेनलाई कोरोना संक्रमण
अमेरिकाका पूर्व राष्ट्रपति डोनाल्ड ट्रम्प सुरक्षित, बाइडेनद्वारा घटनाको निन्दा
अक्षय कुमारलाई कोरोना संक्रमण
श्रीलङ्काका कप्तान हसरंगाले दिए राजीनामा
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग