पोखरा । लकडाउनका बीच चलाखीपूर्ण ढंगले भारतबाट पोखरा भित्रन सफल भएका अभिषेक बस्नेत आफू बसेककै घरमा प्रहरी आएपछि तेस्रो तल्लाबाटै हामफाले । सोलुखुम्बुका २३ वर्षका बस्नेत परिवार पोखरा महानगरपालिका–८ ईन्द्रपुरी टोलमा बस्छन् । आमाबाबुले भाडामा लिएको कोठामा मंगलबार बिहान ९ बजे आइपुगेका थिए । भारतबाट युवा पोखरा आइपुगेको थाहा पाएपछि स्थानीयवासीले प्रहरी र वडाध्यक्षलाई खबर गरेका थिए। त्यसपछि पोखरा ८ का वडाध्यक्ष रूद्रनाथ बराल प्रहरी टोलीसहित बस्नेत बसेको घर पुगेका थिए ।
गेट खोल्ने बित्तिकै प्रहरीले समातेर क्वारेन्टाइन लैजाने डरले उनी तीन तलामाथिबाट हाम फालेर भाग्ने प्रयास गरे । तर उनी उम्कन भने सफल भएनन् । बरु आफैं घाइते भएर अस्पताल पुग्नुप¥यो । माथिबाट हामफाल्दा बस्नेत तल टिनमा परेका थिए। उनको दाहिने खुट्टामा सामान्य चोट लागेको छ । प्रहरीले नियन्त्रणमा लिएर गाडीमा राखेपछि उनले सञ्चारकर्मी सामु आफूबारे बेलिबिस्तार लगाएका थिए ।
उनी करिब ३ महिना अगाडि भारतको कर्नाटक गएका थिए । कोरोना संक्रमणले महामारीले उग्ररुप लिँदै गएपछि विभिन्न देशमा लकडाउन सुरु भयो । नेपालसहित भारतमा पनि भयो । बैंगलुरूमा काम गरिरहेका उनको काम बन्द भयो । त्यसपछि नेपाल जाने सुर कसे । लकडाउनको समयमा उनले निकै सास्ती खेपे । कर्नाटकबाट अत्यावश्यक सेवाका गाडी र पैदल नै समेत नेपालको सीमावर्ती बिहारमा आईपुगे । अभिषेक भारतबाट आउने क्रममा बिहारको क्वारेन्टाइमा समेत बसेका थिए । तर उक्त क्वारेन्टाइबाट ३ सय नेपाली भागेका थिए । जसमा अभिषेक पनि एक हुन् । उनी १२ दिन लगाएर लुक्दै छक्याउँदै पोखरा आइपुगेका हुन् । रक्सौल आसपासको चोरबाटोबाट नेपाल छिरेका बस्नेत तरकारी बोकेको गाडीमा खलासी बनेर पोखरा छिरेका हुन् ।
सीमामा भारतीय प्रहरीलाई पाँच सय आईसी घुस खुवाउँदै आएको, कति ठाउँमा पिटाई खानुपरेको समेत उनले सुनाए । भारतीय प्रहरीको भाटा सम्झेर यहाँ पनि प्रहरीदेखि भाग्न खोजेको उनले प्रतिक्रिया दिए ।
उनको गण्डकी अस्पतालमा उपचार गराएर पोखरा स्वास्थ बिज्ञान प्रतिष्ठानमा लगेर श्वाब संकलन गरिएको छ । स्वाब परीक्षणको रिपोर्ट बुधबार मात्र आउने प्रतिष्ठानले जानकारी दिएको छ । अहिले उनलाई क्वारेन्टाइनमा राखिएको प्रहरीले जानकारी दिएको छ ।
सम्बन्धित खबर
पोखराको लेकसाइडबाट अवैध लागु औषध र नगदसहित ४ जना पक्राउ
गण्डकी प्रज्ञा–प्रतिष्ठानले प्रकटका कृति प्रकाशन गरिदिने
पोखरामा सहकारी पीडित संगठित, ६ वटा सहकारीबाट पीडित भएकाहरुले बनाए संघर्ष समिति
पोखरामा चेकजाँच गर्दा प्रहरीमाथि मुक्का लात्ती हान्ने स्कुटर चालक कारबाहीमा
पोखरामा हराएको १७ लाख रुपैयाँ फेलापारी सम्बन्धित धनीलाई फिर्ता
यूनाइटेड क्लबद्वारा पोखरा आरोग्य आश्रममा खाद्यान्न सामाग्री वितरण
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग