दैलेख – तीन दिनअघि भारतको पौडी गडुवालबाट आएकी, ठाँटीकाँध गाउँपालिका– २ जनता प्राथमिक विद्यालयको क्वारेन्टाइनमा २२ वर्षीया मीना बिकले शनिबार राती १० बजे शिशुको जन्मदिएकी हुन् ।तीन बर्षअघि विवाह गरेकी मिना पति मनबहादुर विक सँग रोजगारीको लागि भारत गएकी थिइन् ।

सुत्केरी व्यथा लाग्ना साथ क्वारेन्टाइनमा रहेकी मिनालाई प्राथमिक स्वास्थ्य केन्द्र ठाटीकाँधमा सुरक्षित सुत्केरी गराउन ल्याउँदा बिच बाटोमै शिशु जन्माइएकी थिइन् । शिशु र आमाको अवस्था ठिक छ ।’ शिशु र सुत्केरी मीनाको स्वास्थ्य राम्रो रहेको र उनीहरुको पिसिआर जाँच्न बाँकी रहेकोे स्वास्थ्य केन्द्रका इञ्चार्ज लक्ष्मीकुमारी रावत बुढाले जानकारी दिइन् ।

त्यसैगरी दैलेखको दुल्लु नगरपालिकाका –७ मा एकजना युवकको क्वारेन्टाइनमा मृत्यु भएको छ । मृत्यु हुनेमा दुल्लूनगरपालिका ७ का ३५ बर्षीय कर्णबहादुर थापा रहेका छन् । आठ दिनअघि थापा बम्बैबाट गाउँ फर्किएका थिए । विद्युत प्राविधिक कार्यालयको क्वारेन्टाइनमा बसेका थापा बिहान साथीसँगै उठेका थिए । मृतकको कुन कारणले मृत्यु भयो भन्ने बारेमा पुष्टि हुन नसकेको र त्यसतर्फ स्वास्थ्कर्मी खटिएको दुल्लु नगरपालिकाका नगरप्रमुख घनश्याम भण्डारीले जानकारी दिए ।