पोखरा । नवलपुरका थप एक जनामा कोरोना संक्रमण पुष्टि भएको छ ।

देबचुली नगरपालिका स्थायी ठेगाना भई सोहि पालिकाको क्वारेन्टाइनमा रहेका वर्ष ४० का १ जना पुरुषमा कोरोना संक्रमणको पुष्टि भएको हो ।

उनलाई नवलपुरको रजहर स्थित सामुदायिक प्राकृतिक चिकित्सालयको आईसोलेसन कक्षमा लैजाने तयारी भईरहेको स्वास्थ्य निर्देशनालय गण्डकीले जनाएको छ ।

यो संगै गण्डकी प्रदेशमा कोरोना संक्रमितको संख्या १४५ पुगेको छ ।

गण्डकी प्रदेशका मनाङ र मुस्ताङ जिल्ला बाहेक अन्य ९ जिल्लामा कोरोनाको संक्रमण देखिसकेको छ ।

साथै पोखराबाट काठमाडौँमा थप उपचारका लागि रिफर गरिएका कोरोना संक्रमित व्यक्तिको सम्पर्कमा आएका सबैजनाको रिपोर्ट नेगेटिभ आएको छ ।

उनको सम्पर्कमा आएका ३९ जनाको नमुना परिक्षणको रिपोर्ट नेगेटिभ (कोरोनको संक्रमण नभएको) भएको स्वास्थ्य निर्देशनालय गण्डकीले जनाएको छ ।

गत म‌ंगलबार आलुमाइला चाेक नजिकैकाे डेरामा बेहाेस अवस्थामा भेटिएका ६० वर्षे पुरुषलाई तत्कालै गण्डकी मेडिकल कलेज लगिएकाे थियाे ।

उनको प्रारम्भिक उपचार र परीक्षण गरेर हेलिकाेप्टरबाट काठमाडाैं लगिएकाे थियाे ।