पोखरा । धुम्बाराहिस्थित हस्पिटल फर एडभान्स्ड मेडिसिन एण्ड सर्जरी (ह्याम्स) अस्पतालले कोरोना (कोभिड-१९) संक्रमितको सफल उपचार गरेको छ ।
पोखरामा प्राध्यापन र वकालतमा क्रियाशील ६० वर्षे ती पुरुषलाई जेठ २० गते पोखराबाट हेलिकोप्टरमा काठमाडौं लगिएको थियो । पोखराको आलुमाइला चोक नजिकै बस्ने उनी बिहान कोठामा अचेत अवस्थामा भेटिएका थिए ।
कास्की पोखराका ६० वर्षिय पुरुष उपचारका लागि पोखराबाट हेलिकोप्टरमा उद्धार गरि गत जेठ २० गते यस अस्पतालमा भर्ना भएका थिए ।
नेपालमा पहिलो पटक कोभिड १९ संक्रमित विरामीको भेन्टिलेटरमा राखेर सफल उंंपचार गरि आज जेठ ३० गते डिस्चार्ज गरिएको जानकारी ह्याम्सले गराएको छ ।
उनलाई काठमाडौं पुर्याउन हेलिकोप्टरमै काठमाडौं गएर फर्केका २ सहित ती पुरुषको सिधा सम्पर्कमा आएका ३९ जनाको पिसिआर रिपोर्ट पनि नेगेटिभ आइसकेको छ ।
अस्पतालको अत्याधुनिक सघन उपचार कक्ष (आइसीयु) मा भेन्टिलेटरमा राखेर उनको उपचारमा तल्लिन सम्पुर्ण चिकित्सक, नर्स लगायत प्यारामेडिक्सका साथै व्यवस्थापनमा संलग्न चुस्त दुरुस्त व्यवस्थापकीय टिमको सहयोग, सहकार्य र समन्वयका कारण उपचार गर्न सफल भएकोमा गौरवान्वित भएको अस्पतालले जारी गरेको विज्ञप्तीमा जनाएको छ ।
यस अस्पतालको सेवालाई विश्वास गरि उपचार गराउन मन्जुरी दिने विरामी र परिवार प्रति पनि अस्पतालले आभार प्रकट गरेको छ । उपचारका क्रममा अहोरात्र खटिएका कर्मचारी प्रति पनि अस्पतालले धन्यवाद व्यक्त गरेको छ ।
विश्व स्वास्थ्य संगठन (डब्लुएचओ) एवं नेपाल सरकारको मापदण्डमा रहेर कोभिड १९ संक्रमितको उपचार गरिएको अस्पतालले जनाएको छ ।
कोभिड १९ का साथै अन्य समस्या देखा परेका सम्पूर्ण विरामीको उपचार गर्नु सबैको दायित्व भएको महसुस गरेको र अहिलेको विषम परिस्थितिमा पनि स्वास्थ्य सेवा प्रवाह गर्ने दायित्व प्रति निरन्तर रुपमा प्रतिबद्ध रहेको अस्पतालले जनाएको छ ।
यस अस्पतालमा सेवा लिन चाहने सेवाग्राहिका साथै सम्पूर्ण जनमानसलाई निर्धक्क भएर सेवा लिन अस्पतालले आव्हान पनि गरेको छ । भविष्यमा कोभिड १९ को साथै अन्य विरामीको लागि पनि विभिन्न सेवाहरु सुचारु रहेको आम जनसमुदायमा जानकारी गराएको छ ।
सम्बन्धित खबर
‘रास्वपाका नेताहरु घर-घरमा पुगेर सहकारी पीडित बचतकर्तालाई भड्काए’ [विज्ञप्ति]
पर्यटकको चाप बढ्न नसक्दा पोखराका पर्यटन व्यवसायी चिन्तित
पोखराको सहिदचोकमा प्रहरीको पेट्रोल पम्प निर्माण रोक्न अन्तरिम आदेश
एमाले कास्कीले शुभकामना आदानप्रदान तथा चियापान गर्ने
रास्वपाको आज पनि पोखरामा विरोध प्रर्दशन
‘सडकमा भीड उतारेर अनुसन्धान प्रभावित पार्ने काम स्वीकार्य हुँदैन’ – नागरिक समाज पोखरा
यो पनि पढौँ
पोखराको हेम्जामा यात्रु चढाइरहेको बसलाई टिप्परले ठक्कर दियो
आजदेखि लाइसेन्स बोक्न नपर्ने, मोबाइलबाट ट्राफिकले कारबाही गर्न सक्ने
पर्यटन व्यवसायी मिश्रको डेंगु संक्रमणबाट निधन
स्याङ्जामा पूर्वसैनिकको घरमा सकेट बम विष्फोट, पुरी घाइते