पोखरा । कोरोना भाइरस (कोभिड १९) रोकथाममा सरकारले गरेको काम फितलो भएको भन्दै नेपाली काँग्रेस कास्कीले प्रदर्शन गरेको छ । मंगलबार जिल्ला प्रशासन कार्यालय कास्की शहिदचोकमा प्रदर्शन गरेको हो ।
प्रदर्शनमा विदेशमा भएका नेपालीलाई स्वदेश फिर्ता गर्ने व्यवस्था सुनिश्चित गर, गरिब विपन्न परिवारलाई उचित राहतको व्यवस्थापन गर, महंगी र भ्रष्टाचार लगायतका नारा सहितको प्लेकार्ड बोकिएको थियो ।
कार्यक्रमको विषयमा जानकारी गराउँदै नेपाली काँग्रेस कास्की प्रवक्ता नविन सिग्देलले कोरोना रोकथामका लागि सरकारले गरेका गतिविधि प्रति सजग र सचेत गराउँदै सिडिओ मार्फत प्रधानमन्त्रीलाई ज्ञापन पत्र बुझाइएको बताए । उनले भने, ‘आज देशका सम्पूर्ण जिल्लाहरुमा नेपाली काँग्रेसले सिडिओ मार्फत ज्ञापन पत्र बुझाउँदै छ ।
बन्दाबन्दीका समयमा सरकारले गरेका कामबाट नागरिकमा वितृष्णा जागेको छ । उनीहरु सडकमा उत्रिएका छन् । महामारी फैलिदै गर्दा डर हामीलाई समेत छ । तर सरकार एक पछि अर्को गल्ती गरिरहेको छ । महामारीबाट नागरिकलाई बचाउने तर्फ भन्दा पनि आफ्नै कुर्सीको बचाउमा सरकार लागिरहँदा समस्या बल्झिँदो छ । तत विषयमा ध्यानार्कषण गराउँदै हामीले ज्ञापन पत्र बुझाएका हौं ।’ यो नागरिकका सुखदुखमा नेपाली काँग्रेस सँगै रहेको संकेत समेत हो ।
काँग्रेस नेतृ सरस्वती गुरुङले सामाजिक दुरी अप्नाउँदै कम संख्यामा ज्ञापन पत्र बुझाउने भनिएपनि सरकारको काम प्रतिको उदासिनताले स्वतस्फूर्त रुपमा भीड जम्मा भएको उल्लेख गरिन् । उनले भनिन्, ‘ हामीले सरकारलाई असहयोग गर्न खोजेका होइनौ । सहयोग गर्दागर्दै पनि सरकारले कोरोना रोकथामका लागि जुन कदम चाल्नुपर्ने थियो हामीले पाएनौ । त्यसैले सडकमा आउन परेको हो ।
रोग भन्दा भोक सबै भन्दा ठूलो कुरा रहेछ । यहाँ काम सबै ठप्प हुँदा खान नपाएर भोकै बस्नेहरु मैले थुपै्र देखेकी छु । राहतका प्याकेजमा समेत सरकारले राजनीति गरेको देख्दा उदेक लागेको छ । स्वास्थ्य क्षेत्रमा छुट्टाइएको बजेट समेत खाल्डोमा गएको अनुभुती भइरहँदा नेपाली काँग्रेस कसरी चुप लागेर बस्थ्यो र ? त्यसैले सरकारको काममा सुधार गराउन आग्रह गर्दै कोरोमा महामारीका बेला विकासका काममा भन्दा पनि नागरिकका स्वास्थ्यमा ध्यान दिन अनुरोध गर्दै ज्ञापन पत्र बुझाएका हौ ।’
कार्यक्रममा काँग्रेसका भातृसंगठन नेपाल तरुण दल कास्की, नेपाली विद्यार्थी संघ कास्की, नेपाल सांस्कृतिक संघ कास्की, नेपाल प्रेस युनियन कास्की लगायत काँग्रेसमा आस्था राख्नेहरुको बाक्लो उपस्थिति थियो । नेपाली काँग्रेस कास्कीले १४ बुँदे ज्ञापन पत्र बुझाएको हो ।
लकडाउनको झण्डै ३ महिना हुनै लाग्दा कोरोना रोकथाम तथा उपचारमा सरकारको कामप्रति असन्तुष्टि जनाउँदै काँग्रेस कास्कीले जिल्ला प्रशासन कार्यालय कास्कीका प्रमुख जिल्ला अधिकारी ज्ञान प्रसाद ढकाल मार्फत प्रधानमन्त्रीलाई ज्ञापन पत्र समेत बुझाएका छन् ।
ज्ञापन पत्रमा कोरोना रोकथामका लागि पीसीआर परीक्षणको दायरा बढाई आवश्यक कदम चाल्न भनिएको छ ।
काँग्रेस गण्डकी प्रदेशले मुख्यमन्त्री मार्फत बुझायो प्रधानमन्त्रीलाई ज्ञापन पत्र ।
नेपाली कांग्रेस नेता कृष्णचन्द्र नेपाली पोखरेल सहितको टोलीले मंगलबार मुख्यमन्त्री तथा मन्त्रीपरिषदको कार्यालय पुगेर मुख्यमन्त्री पृथ्वीसुब्बा गुरुङलाई ज्ञापन पत्र बुझाएको हो ।
ज्ञापन पत्रमा तत्काल आरडिटी परीक्षण रोक्न माग गर्दै , कोभिड रोकथामका लागि गरिएको खर्च नियमित र पारदर्शी बनाउन सरकारसँग आग्रह गरिएको छ । तत्काल आरडिटी परीक्षण रोक्न माग गर्दै ज्ञापनत्रमा कोभिड रोकथामका लागि गरिएको खर्च नियमित र पारदर्शी बनाउन सरकारसँग आग्रह गरेको छ ।
ज्ञापनपत्र ग्रहण गर्दै मुख्यमन्त्री गुरुङले प्रमुख प्रतिपक्षी दलको सुझाव र सल्लाहलाई ग्रहण गर्दै सरकार अगाडि बढिरहेको बताए ।
सम्बन्धित खबर
‘रास्वपाका नेताहरु घर-घरमा पुगेर सहकारी पीडित बचतकर्तालाई भड्काए’ [विज्ञप्ति]
मानुङकोट घुम्न गएका पोखराका १३ युवाको समूहमाथि खुकुरी आक्रमण र लुटपाट गर्ने ५ पक्राउ
ढोरवाराही मन्दिरलाई धार्मिक गन्तव्यस्थलका रुपमा विकास गरिँदै
पर्यटकको चाप बढ्न नसक्दा पोखराका पर्यटन व्यवसायी चिन्तित
बागलुङमा ५६ हजार ‘मेट्रिकटन’ आलु उत्पादन
अर्जुन कुमालको कप्तानीमा गण्डकी क्रिकेट टोली घोषणा
यो पनि पढौँ
पोखराको हेम्जामा यात्रु चढाइरहेको बसलाई टिप्परले ठक्कर दियो
आजदेखि लाइसेन्स बोक्न नपर्ने, मोबाइलबाट ट्राफिकले कारबाही गर्न सक्ने
पर्यटन व्यवसायी मिश्रको डेंगु संक्रमणबाट निधन
स्याङ्जामा पूर्वसैनिकको घरमा सकेट बम विष्फोट, पुरी घाइते