तनहुँ । तनहुँमा विहिबार विवाह मण्डपबाटै बेहुलासहित ५ जनालाई प्रहरीले पक्राउ गरेको छ । जिल्लाको व्यास नगरपालिका–११ बाट बेहुलासहित ५ जनालाइ जिल्ला प्रहरी कार्यालय तनहुँको टोलिले पक्राउ गरेकाे हो ।
१४ वर्षीया बालिकासँग विवाह गर्दै गरेका गोरखा सहिद लखन गाउँपालिका–२ का २३ वर्षीय सन्तोष अर्याल (बेहुला) सहित ५ जनालाई विवाहकाे मण्डपबाटै पक्राउ गरेको जिल्ला प्रहरी कार्यालय तनहुँका डिएसपी युवराज तिमल्सिनाले जानकारी दिए । उनले भने ‘बालविवाह हुँदैछ भन्ने गोप्य सुचना पाएर पक्राउ गर्न सफल भयौ ।’
प्रहरीले विवाह सम्पन्न भई अन्माउन लागेकाे बेलामा बेहुला (सन्तोष अर्याल), बेहुलाको बुबा, बेहुलीको बुबा, आमा र विवाह गराउने पण्डित समेत गरि ५ जनालाई पक्राउ गरेकाे हाे ।
सिउँदोमा सिन्दुर समेत हालिसकेको र विवाह सम्पन्न भई अन्माउने अवस्थामा प्रहरीले पक्राउ गरेको हो ।
उनीहरुलाई बिहीबार तनहुँ जिल्ला अदालतबाट म्याद थप गरि अनुसन्धान भइरहेको जिल्ला प्रहरी कार्यालय तनहुँले जनाएको छ ।
नयाँ मुलुक संहिता २०७४ अनुसार विवाह गर्नका लागि केटाकेटी दुवैको उमेर २० वर्ष पूरा गरेको हुनुपर्ने नियम रहेको छ । २० वर्ष मुनि भएमा विवाह बदर हुन्छ ।
विवाह सम्बन्धि परीक्षेत अनुसार दफा १७३ बमोजिम कसूर गर्ने व्यक्तिलाई ३ वर्षसम्म कैद र ३० हजार रुपैयाँसम्म जरिबाना हुने व्यवस्था रहेको छ ।
बाल विवाह गर्न नहुने र विवाह गर्ने व्यक्तिको उमेर २० वर्ष नपुगी कसैले विवाह गर्न वा गराउन नहुने उक्त दफामा उल्लेख छ । उमेर अपुगी भएको विवाह स्वतः बदर हुनेछ ।
सम्बन्धित खबर
गण्डकीमा डायलाइसिस सेवाको प्रतिक्षामा रहेकाको संख्या शुन्यमा झार्ने लक्ष्य पुरा
मगर विद्यार्थी संघ पिएन क्याम्पसको अध्यक्षमा अनोक पुलामी
भूकम्पको स्मरणः बारपाकमा आज सार्वजनिक बिदा
पर्यटकीय राजधानीलाई सफल बनाउन तीन तहकै सरकारको भूमिका महत्वपूर्ण : मुख्यमन्त्री अधिकारी
पोखराको चाउथेमा दुर्घटना: १९ वर्षीया खुसीको मृत्यु, स्कुटर चालक विनिता घाइते
सीप सिकौं, दक्ष बनौं भन्दै पोखरा १३ द्वारा निशुल्क तालिम, ४५ जना लाभन्वित
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग