पोखरा महानगरमा मंगलबार थप दुई जनामा कोरोना भाइरस संक्रमण पुष्टि भएको छ । पोखरा ६ लेकसाइडका एक पर्यटन व्यवसायी र होम आइसोलेसनमा रहेकी महिलामा कोरोना पुष्टि भएको हो ।

पोखरा ६ का ४५ वर्षीय पुरुष र पोखरा – १३ की २४ वर्षीया महिलामा कोरोना देखिएको हो । स्वास्थ्य निर्देशनालयले गण्डकीको विज्ञप्तीमा भने महिला र पुरुष फरक पर्न गएको महानगर श्रोतले जनाएको छ ।

पोखरा – ६ मा संक्रमण पुष्टि हुने व्यक्ति पर्यटन व्यवसायी रहेको र उनी पोखराको चरक मेमोरियल हस्पिटलमा उपचाररत रहेको निर्देशनालयले जनाएको छ । पोखरा १३ की महिला भने होम आइसोलेसनमा रहेको निर्देशनालयले उल्लेख गरेको छ । उनी पोखरामा कोरोना संक्रमणबाट मृत्यु हुने पुरुषका छोरी रहेको खुलेको छ ।

गण्डकी प्रदेशमा मंगलबार बिहान थप ३९ जनामा कोरोना सक्रमण पुष्टि भएको हो । यस सँगै गण्डकी प्रदेशमा कोरोना संक्रमितको संख्या २ हजार २ सय ०५ पुगेको छ । गण्डकीमा कूल निको भएकाको संख्या १ हजार ६ सय ९६, मृत्यु संख्या १५ र अहिले एक्टिभ केस ४९५ छन् । कास्कीमा मात्रै ५ जनाको मृत्यु, ३३१ जना संक्रमित, २०३ जना निको भएका र एक्टिभ केस १२३ छन् ।