Gandak News
Our News Your Views

किलियान एम्बाप्पेलाई कोरोना संक्रमण पुष्टि

एजेन्सी । पेरिस सेन्ट जर्मेनका फरवार्ड किलियान एम्बाप्पेमा कोरोनाभाइरसको संक्रमण पुष्टि भएको छ ।

लक्षणविहीन रहेका उनले राष्ट्रिय टोलीलाई छाडेका छन् र युईएफए नेसन्स लिगमा मंगलबार पेरिसमा हुने क्रोएसियाविरुद्धको खेल खेल्ने छैनन् ।

शनिबार स्वीडेनविरुद्धको खेलमा भने उनले सहभागिता जनाएका थिए ।

उक्त खेलमा उनको एक मात्र गोलको मद्दतले फ्रान्स १–० ले विजयी बनेको थियो ।

सन् २०१८ को विश्वकप फाइनलको ‘रिप्ले’ मा भने उनले खेल्न नपाउने भएका छन् ।

‘किलियान एम्बाप्पे मंगलबार क्रोएसियाविरुद्ध मंगलबार स्टाडे डे फ्रान्समा हुने खेलमा सहभागी हुनेछैनन्,’ फ्रान्सको फुटबल संघले जारी गरेको विज्ञप्तिमा भनिएको छ, ‘युईएफएले सोमबार बिहान गरेको कोभिड–१९ को परीक्षणमा उनी पोजेटिभ पाइएका छन् । नतिजा प्राप्त भएपछि उनलाई टोलीबाट छुट्टै राखिएको थियो । अहिले उनी आफ्नो घर फर्किएका छन् ।’

बिहीबारबाट पीएसजीले लिग वानको नयाँ सिजन सुरु गर्दैछ । उक्त खेलका लागि पनि एम्बाप्पेको सहभागितामा आशंका व्यक्त गरिएको छ ।

बिहीबार लेन्ससँगको खेलपछि पीएसजीले आइतबार ‘ले क्लासिक’मा चिरप्रतिद्वन्द्वी मार्सेको सामना गर्नेछ ।

पीएसजीका धेरै खेलाडीहरुमा यतिबेला कोरोनाभाइरसको संक्रमण पुष्टि भएको छ ।

नेयमार, माकिन्होस, केयलर नाभास, एन्जेल डि मारिया, माउरो इकार्डी र लेनार्डो पारेडेसमा यसअघि नै संक्रमण पुष्टि भइसकेको छ ।

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

पढ्न सिफारिस