पोखरा – राम्रो काममा लगाइदिने भन्दै जबर्जस्ती यौन शोषण गराएको आरोपमा कास्की प्रहरीले एक होटल संचालकलाई पक्राउ गरेको छ । पक्राउ पर्नेमा काभ्रेपलान्चोक जिल्ला पाँचखाल नगरपालिका वडा नं -३ घर भइ हाल पोखरा महानगरपालिका -९ जाल्पारोडमा खाजाघर संचालन गर्दै आएका ३४ वर्षीय केशव भुजेल रहेका छन् ।
कास्कीका प्रहरी नायव उपरीक्षक तथा प्रहरी प्रवक्ता सुवास हमालका अनुसार भुजेलले विभिन्न प्रलोभनमा पारी आफ्नो खाजाघरमा राम्रो काममा लगाइदिने भन्दै एक युवतीलाई सुरुमा राम्रै व्यवहार देखाई वेटरको काम दिएका थिए । तर, काम शुरु गरेको २/३ दिनमै युवतीलाई डर धम्की देखाउँदै आउने ग्राहकहरुसंग जबर्जस्ती यौन सम्पर्कमा लगाउने तथा अन्यन्त्र समेत आफुले पैसा असुलेर यौन शोषण गराउंदै आएका थिए ।
भुजेलको उक्त कार्य विरुद्ध युवती आफैले जिल्ला प्रहरी कार्यालय कास्कीमा जबर्जस्ती यौन शोषण गरेको अभियोगमा जाहेरी दिएकी थिइन् । युवतीको जाहेरी लगत्तै प्रहरीले उनलाई सोही खाजा घरबाट बिहीबार पक्राउ गरेको थियो ।
हाल प्रहरीको नियन्त्रणमा रहेका भुजेल विरुद्ध मानव वेचबिखन तथा ओसारपसार सम्बन्धी कसूर अन्तर्गत जिल्ला अदालत कास्कीबाट दश दिनको म्याद थप अनुमती लिई आवश्यक अनुसन्धान गरिरहेको प्रवक्ता हमालले जानकारी दिए ।
सम्बन्धित खबर
पोखरामा पेस्तोल सहित एक व्यक्ति पक्राउ
गण्डकीमा डायलाइसिस सेवाको प्रतिक्षामा रहेकाको संख्या शुन्यमा झार्ने लक्ष्य पुरा
मगर विद्यार्थी संघ पिएन क्याम्पसको अध्यक्षमा अनोक पुलामी
पर्यटकीय राजधानीलाई सफल बनाउन तीन तहकै सरकारको भूमिका महत्वपूर्ण : मुख्यमन्त्री अधिकारी
पोखराको चाउथेमा दुर्घटना: १९ वर्षीया खुसीको मृत्यु, स्कुटर चालक विनिता घाइते
सीप सिकौं, दक्ष बनौं भन्दै पोखरा १३ द्वारा निशुल्क तालिम, ४५ जना लाभन्वित
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग