पोखरा । आगामी माघ १७ गते शनिबार सुजुकी ब्राण्डका गाडी खरिदमा ग्राहकले विशेष अफर पाउने भएका छन् । सुजुकी गाडीको गण्डकी धौलागिरी क्षेत्रको विक्रेता बतास ब्रदर्श प्रालिमा सुजुकी गाडी खरिदमा छुट पाइनेछ ।

नेपालका लागि आधिकारिक विक्रेता तथा सीजी होल्डिंगको अटोमोटिभ डिभिजन सीजी मोटोकर्पले पोखरासहित देशभरका सबै ३८ वटा डिलरसिपमा माघ १७ गते शनिबार ‘सुपर स्याटरडे’ को अफर लागु गर्ने भएको हो । सो अफर माघ १७ गते एक दिन मात्रै हुनेछ ।

‘सुपर स्याटरडे’ अन्तर्गत सुजुकीका चारपांग्रेको खरिद गर्ने ग्राहकले नियमित सोरुम छुटभन्दा बढी नगद छुट पाउनेछन् । बतास ब्रदर्श मारुती सुजुकीका बिक्री प्रवन्धक नवराज अधिकारीका अनुसार ग्राहकहरुले सो दिन अधिकतम दुई लाख रुपैयाँसम्म नगद छुट र एक लाखसम्मको सुपर स्याटरडे नगद छुट ,एक वर्ष सम्म इन्सुरेन्स  साथै निःशुल्क स्वामित्व हस्तान्तरणको सुविधा पनि पाउनेछन् । ।

बतासले यसअघि दशैँ तिहारलाई लक्षित गरी ‘सुजुकी पर्वोत्सव अफर’ ल्याएको थियो । कम्पनीले अहिलेसम्मकै धैरै नगद छुट सहितका अन्य सुविधा सहित सो अफर सफलतापूर्वक सम्पन्न गरेकोमा अहिले ‘सुपर स्याटरडे’ स्कीम ल्याएको हो ।

नेपालमा सुजुकी गाडीको सबैभन्दा ठूलो ‘प्रडक्ट रेन्ज’ रहेको छ । हाल नेपालमा सीजी मोटोकर्पले सुजुकीको अल्टो, एसप्रेसो, सेलेरियो, वागन आर, इग्निस, स्विफ्ट, बलेनो, डिजायर, सियाज, भिटारा ब्रेजा, एसक्रस, अर्टिगा, एक्सएल सिक्स्, इको भ्यान, इको कार्गो र सुपर क्यारी गरी १६ वटा मोडेलको गाडी बिक्री गर्दै आएको छ ।