गण्डकी प्रदेशमा २८ हजार ३ सय २९ जनाले कोरोना विरुद्धको ‘कोभिसल्ड’ खोप लगाएका छन् । प्रदेशका ११ वटै जिल्लामा गत माघ १४ गतेदेखि एकैपटक शुरु गरिएको खोप तीन सातामा सो संख्यमा लगाइएको हो ।
प्रदेशमा सवैभन्दा धेरै खोप कास्की र मनाङमा लगाएको गण्डकी प्रदेश स्वास्थ्य निर्देशनालयले जनाएको छ ।

गण्डकी प्रदेश स्वास्थ्य निर्देशनालयका अनुसार कस्कीमा ९ हजार ११७ र मनाङमा ३४६, गोरखामा दुई हजार ८८, तनहूँमा २ हजार ९ सय ७२, नवलपुरमा २ हजार ५३, पर्वतमा १ हजार ७ सय ४४, बाग्लुङमा २ हजार ५ सय ९, मुस्ताङमा ४ सय ९३ र म्याग्दीमा १ हजार ६ सय १० जनाले खोप लगाएका छन् ।

त्यसैगरी लमजुङमा २ हजार ४ सय ९२ र स्याङ्जामा २ हजार ८ सय ७५ जनाले कोरोना विरुद्धको खोप लगाएका छन् ।

गण्डकी प्रदेशमा लक्ष्यभन्दा बढीले खोप लगाएको निर्देशक डा. शर्माले बताए । गण्डकीमा २५ हजार ८ सय ६४ जनालाई मात्र कोरोना विरुद्धको खोप दिने लक्ष्य थियो ।

खोप लगाएपछि कसैलाई पनि जटिल समस्या नदेखिएको निर्देशक डा. शर्माले जानकारी दिए ।