Gandak News
Our News Your Views
Promote your business here Gandaknews

पोखराको न्यूरोडमा गण्डकी प्रदेशकै ठूलो सिटी स्क्यान सञ्चालनमा

पोखरा । पोखरा एमआरआई डाइग्नोस्टिक सेन्टरले गण्डकी प्रदेशमै पहिलो २ सय ५६ स्लाइसको सिटी स्क्यान सुरु गरेको छ । पोखराको न्यूरोडमा आफ्नै सभाहलमा शनिबार एक कार्यक्रमका बीचमा पोखराकै पहिलो फिजिसियन डाक्टर कुमार शमशेरले रिबन काटेर विधिवत् रुपमा उद्धघाटन गरेका हुन् ।

पोखरा र गण्डकी प्रदेशभरकै बिरामीहरुलाई सहज र सुलभ गुणस्तरीय र सस्तो सेवा दिने उद्देश्यले उक्त सेवा सुरु गरिएको हो । सजिलै प्राप्त गर्न सकिने सेवाको लागि विभिन्न ठाउँमा धाइरहनु पर्ने बाध्यतालाई मध्यनजर गर्दै पोखरामै सो सेवा सञ्चालनमा ल्याएको एमआरआई डाइग्नोस्टिक सेन्टरका मेनेजिङ डाइरेक्टर सुमिरन श्रेष्ठ बताए ।

विगत ३ वर्षदेखि एमआरआई सेवा दिँदै आइरहेको उक्त सेन्टरले आजदेखि सिटी स्क्यान पनि थालेको हो । यो गण्डकी प्रदेशकै ठूलो सिटि स्क्यान भएको सञ्चालको दाबी छ । ‘विशेष गरी मुटु, मस्तिष्क, फोक्सो, पेट र हाल खुट्टाको रगतका नशाहरु लगायत शरिरका विभिन्न अंगहरुको क्यान्सर र बच्चाहरुको लागि कम विकिरण दिएर सिटि स्क्यान गर्ने सुुविधा चौविसै घण्टा उपलब्ध दिने उद्देश्यका साथ हामी आएका छौं,’ श्रेष्ठले भने ।

मुटुको जाँच, रगत, नशाको जाँच कोरोनरी एन्जियोग्राफी लगायतका सेवा पोखरामै दिने उद्देश्यका साथ पोखराका बरिष्ठ डाक्टरहरुद्वारा विगत ३ वर्ष देखि १.५ टेस्लाका एमआरआई मेमोग्राफी यूएसजी गाइडेड बायोप्सीको सुविधा दिँदै आइरहेको थियो । आईएसओ प्राप्त गर्ने प्रक्रियामा रहेको डाइरेक्टर श्रेष्ठले बताए ।

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

पढ्न सिफारिस