पोखरा – कोरोना संक्रमणका पोखरामा दुई जनाको मृत्यु पुष्टि भएको छ। मृत्यु हुनेमा स्याङ्गजा र पर्वत जिल्लाका संक्रमित छन्।

गत वैशाख १८ गते कोरोना पोजेटिभ पुष्टि भएर उपचारका लागि पोखरास्थित स्वास्थ्य विज्ञान प्रतिष्ठान भर्ना भएका स्याङ्गजा जिल्ला गल्याङ नगरपालिका -११ का ५० वर्षीय पुरुषको मंगलबार राति ९ :५० बजेको समयमा मृत्यु भएको छ। निमोनियाका समेत विरामी रहेका उनको उपचारको क्रममै मृत्यु भएको स्वास्थ्य निर्देशनालय गण्डकीले जनाएको छ।

यस्तै पर्वत जिल्ला जलजला गाउँपालिका -७ निवासी ८४ वर्षीय संक्रमित पुरुषको मंगलबार राति ८:१५ बजेको समयमा मृत्यु भएको छ।

मंगलबारनै कोरोना पुष्टि भएपश्चात उपचारका लागि मणिपाल शिक्षण अस्पताल भर्ना गरिएका उनको उपचारका क्रममा ज्यान गएको निर्देशनालयका प्रमुख डा. विनोद विन्दु शर्माले जानकारी दिए ।

यो संगै, गण्डकीमा कोरोना संक्रमणका कारण ज्यान गुमाउनेको संख्या २३७ पुगेको छ।