कोरोना भाइरस : थप एकको मृत्यु, पोखरामा आइतबारमात्रै १२ जनाको मृत्यु पुष्टि

गण्डक न्यूज आइतबार, २६ वैशाख २०७८

File Photo.

२६ वैशाख २०७८

पोखरा – पोखरामा आइतबार थप एक जनाको कोरोनाबाट मृत्यु पुष्टि भएको छ । योसंगै आज मृत्यु पुष्टि हुनेको संख्या १२ पुगेको छ।

मृतक पर्वत जिल्ला फलेवास नगरपालिका -५ निवासी ६४ वर्षीय पुरुष रहेका छन् ।

गत शुक्रबार कोरोना पोजेटिभ पुष्टि भएर उपचारका लागि संक्रामक तथा सरुवा रोग अस्पताल पोखरा भर्ना भएका उनको उपचारकै क्रममा आज बिहान ९:३२ बजेको समयमा मृत्यु भएको हो ।

मृतक पुरुषमा कोरोनासंगै निमोनियाको समस्या रहेको अस्पतालले जनाएको छ।

आज मात्रै मृत्यु पुष्टि भएका १२ सहित गण्डकीमा कोरोना संक्रमणका कारण ज्यान गुमाउनेको संख्या २६३ पुगेको निर्देशनालयका प्रमुख डा. विनोद विन्दु शर्माले जानकारी दिए।

यो पनि पढ्नुस् !