पोखरा । पोखराको बेगनासतालमा शनिबार एक युवकको शव फेला परेको छ। शुक्रबार पनि एक पुरुष बेगनासतालमै मृत भेटिएका थिए ।

पोखरा महानगरपालिका –२६ जलधारे बस्ने ३१ वर्षीय निराजन ढुंगाना शुक्रबारदेखि परिवारसँग बेखबर रहेकोमा खोजीकार्य गर्ने क्रममा आज बिहान बेगनासतालमा शव फेला परेको प्रहरी उपरीक्षक विनोद सिलवालले जानकारी दिए।

निराजन शुक्रबार अन्दाजी साढे चार बजेको समयमा ग १९ प ६१८८ नम्बरको स्कुटर लिएर घरबाट निस्किएका थिए । अबेरसम्म घर नफर्किएपछि परिवारले सम्पर्कबिहिन भएको भन्दै प्रहरीलाई खबर गरेका थिए।

मृत अवस्थामा फेला परेका उनको शवको आवश्यक मुचुल्का तयार पारी घटनाका सम्बन्धमा अनुसन्धान अगाडी बढाइएको सिलवालले जानकारी दिए ।

हिजो बिहान मात्रै बेगनासतालमै एक पुरुष मृत भेटिएका थिए । शुक्रबार बिहान अन्दाजी ८ः४५ बजेको समयमा पोखरा महानगरपालिका –३१ बेगनास तालको किनारमा पोखरा –३१ पण्डितथर बस्ने ४२ वर्षीय राजु प्रसाद भुर्तेलको शव फेला परेको थियो ।