कोरोना संक्रमणको रोकथाम, नियन्त्रण र उपचारका लागि मन्त्री गुरुङले दिए स्वास्थ्य सम्बद्ध प्रतिनिधिलाई निर्देशन

कोरोना संक्रमणको रोकथाम, नियन्त्रण र उपचारका लागि मन्त्री गुरुङले दिए स्वास्थ्य सम्बद्ध प्रतिनिधिलाई निर्देशन

prithbi-subba-grg

पोखरा । मुख्यमन्त्री पृथ्वी सुब्बा गुरुङले कोरोना संक्रमणको रोकथाम, निदान नियन्त्रण र उपचारका लागि प्रदेशका स्वास्थ्य सम्बद्ध संस्थाका प्रतिनिधिहरुसँग छलफल गरेका छन् ।

स्वास्थ्य मन्त्रालयको समेत जिम्मेवारी सम्हालेका मन्त्री गुरुङले बैठकमा जिल्ला स्वास्थ्य कार्यालय, प्रमुखहरु, जिल्ला अस्पतालका मेसुहरु, जिल्ला आयुर्वेद अस्पतालका प्रमुखहरु र स्वास्थ्य तथा जनसंख्या मन्त्रालयका निर्देशकहरुलाई स्वास्थ्य मन्त्रालयको तर्फबाट निम्नानुसारको बजेट उपलब्ध र निर्णयबारे जानकारी समेत गराएका छन् ।

निर्णयहरु निम्नानुसारका छन् !

१ औषधी खरिदका लागि सबै ११ जिल्ला स्वास्थ्य कार्यालयहरुलाई ५/५ लाख रुपैयाँ ।
२ अक्सिजन फिलिङ र ढुवानीका लागि जिल्ला अस्पतालहरुलाई ५/५ लाख रुपैयाँ ।
३ कोभिड उपचारमा खटिने स्वास्थ्यकर्मी, चिकित्सक र कर्मचारीलाई खाजा खुवाउन जिल्ला अस्पतालहरुलाई ५/५ लाख रुपैयाँ ।
४ डिसिसिएमसीहरुलाई कोभिड व्यवस्थापनका लागि थप २/२ लाख रुपैयाँ ।
५ जनचेतना वृद्धि र खोज अनुसन्धानका लागि जिल्ला आयुर्वेद औषधालयहरुलाई २/२ लाख रुपैयाँ ।
६ गाउँगाउँमा एन्टिजेन परीक्षण दायरा बढाउने ।
७ समयमा कोभिड परीक्षणका लागि कर्मचारीहरुलाई प्रेरित गर्ने, मनोबल उच्च बनाउने र टिम बनाएर गाउँगाउँ खटाउने ।

प्रतिक्रिया

लेखकको बारेमा

गण्डक न्यूज

गण्डक न्यूज

गण्डक न्यूज डेस्क

ट्रेन्डिङ