पोखरा । पोखरामा मिक्सचर दुर्घटना हुँदा सहचालकको मृत्यु भएको छ भने, चालक घाइते भएका छन् ।

मंगलबार बिहान अन्दाजी १० बजेको समयमा मेथलाङबाट पोखरातर्फ आउदै गरेको ग १ क ३१८७ नंवरको मिक्सचर अनियन्त्रित भइ सडकको बायाँतर्फ नालिमा पल्टंदा सहचालक पोखरा -१४ चाउथे बस्दै आएका २९ वर्षीय अनिरोध थापाको मृत्यु भएको प्रहरी उपरीक्षक विनोद सिलवालले जानकारी दिए ।

सिलवालका अनुसार मिक्सचरले च्यापिएर घाइते भएका थापालाई तत्काल उपचारका लागि पश्चिम क्षेत्रिय अस्पताल पठाइएकोमा उपचारको क्रममा मृत्यु भएको हो ।

यस्तै दुर्घटनामा मिक्सचरका चालक काठमाण्डौ कोटेश्वर घर भइ हाल पोखरा -५ मालेपाटन बस्ने ३५ वर्षीय राजन ठकुरी समेत घाइते भएका छन् । हाल उनको सोही अस्पतालमा उपचार भैरहेको छ ।

घटनाको जानकारी लगत्तै पुगेको प्रहरीको टोलीले घटनाका सम्बन्धमा आवश्यक अनुसन्धान शुरु गरेको जनाएको छ।