काठमाण्डौ । प्रधानमन्त्री केपी शर्मा ओलीले आफूसँगै रहेका मन्त्रालयहरुमा मन्त्री नियुक्त गर्ने अन्तिम तयारी गरेका छन् । ओलीले आजै ७ मन्त्री र एक राज्यमन्त्रीसहित मन्त्रिपरिषद्लाई पूर्णता दिन लागेका हुन् ।

स्रोतका अनुसार गृह मन्त्रीमा कास्कीका लेखनाथका खगराज अधिकारी नियुक्त हुन लागेका छन् । अधिकारीले यसअघि स्वास्थ्य मन्त्रालयकाे जिम्मेवारी सम्हालेका थिए ।

कास्कीबाट तीनै क्षेत्रबाट निर्वाचित सांसद मन्त्री पद प्राप्त गर्न सफल भए । पर्यटन मन्त्री रवीन्द्र अधिकारीकाे हेलिकप्टर दुर्घटनामा ज्यान गएकाे थियाे । जगत विश्वकर्मा सुनारले ३ वर्ष खेलकुद मन्त्रालय चलाए ।

नयाँ मन्त्रीहरुले आजै शपथ लिने बताइएको छ ।

स्रोतका अनुसार नयाँ नियुक्त हुन लागेका मन्त्री यस प्रकार छन् :

१ खगराज अधिकारी,गृहमन्त्री

२ नैनकला थापा, सन्चारमन्त्री

३ नारदमुनी राना, वनमन्त्री

४ मोहन वानियाँ, विनाविभागीय

५ ज्वालाकुमारी साह, कृषि मन्त्री

६ राजकिशोर यादव, उद्योग मन्त्री

७। गणेश पहाडी, सामान्य प्रशासन मन्त्री

८ आशा विक, वन राज्यमन्त्री