पोखरा। तेस्रो पटक मन्त्री भएका गण्डकीका स्वतन्त्र सांसद दीपक मनाङेले प्रधानमन्त्री केपी शर्मा ओली प्रति लक्षित गर्दै दिएको प्रतिक्रियाको भिडियो क्लिप यतिबेला सामाजिक सञ्जालमा भाइरल भएको छ । भने, धेरैले मनाङेको उक्त भनाई प्रति कडा आलोचना पनि गरेका छन् ।

पृथ्बी सुब्बा गुरुङले विश्वासको मत नपाएर पद गुमाएपछि विपक्षी गठबन्धनले बहुमतको हस्ताक्षरसहित मुख्यमन्त्रीमा दावी गर्दै प्रदेश प्रमुखलाई बुझाए पनि नयाँ मन्त्री घोषणामा अलमल गरेको भन्दै शनिबार धर्ना बसेका बेला मनाङेले उक्त प्रतिक्रिया दिएका हुन्।

उनले बोलेका छन् -” ‘केपी ओलीको न वर्तमान छ, न भविष्य छ । तर, यसको पछि लाग्ने मान्छेहरुको बुद्धि छैन रैछ क्या । दुईवटा किड्नी नभएको मान्छे हो । अरुको त किड्नी छ नि यार । वुद्धि भए छिटो उसको साथ छोड्दा राम्रो हुन्छ । म त टाइममै छोडेर बचेँ ।’

गण्डकी प्रदेशमा दिपक मनाङे तेस्रोपटक मन्त्री नियुक्त भएका छन् । यसअघि उनी एमाले नेतृत्वको सरकारमा युवा तथा खेलकुद मन्त्री थिए । सरकार ढल्ने अवस्था आएपछि उनी विपक्षी गठवन्धनमा सामेल भएका हुन् ।