पोखरा । शुक्रबार गण्डकीमा २८१ जनामा कोरोना पुष्टि भएको छ ।

प्रदेश स्वास्थ्य निर्देशनालयको दैनिक कोरोना सम्बन्धी विज्ञप्ति अनुसार पछिल्लो २४ घण्टामा गण्डकीका १ हजार ११७ जनामा गरिएको नमुना परीक्षणमा थप उक्त संख्याका मानिसको रिपोर्ट कोरोना पोजेटिभ आएको हो।

आज संक्रमण पुष्टि हुनेमा प्रदेशका नौ जिल्लाका छन् । जसअन्तर्गत कास्कीका १२९ जना, तनहुँका दुई जना, गोरखाका नौ जना, लमजुङका २३ जना, नवलपुरका ३७ जना र स्याङ्गजाका सात जनामा कोरोना पुष्टि भएको छ ।

यस्तै, पर्वतका २२ जना, बागलुङका ४८ जना र म्याग्दी जिल्लाका चार जनाको परीक्षण रिपोर्ट कोरोना पोजेटिभ आएको जारी विज्ञप्तिमा जनाइएको छ ।

आज थपिएकासंगै गण्डकीमा कोरोना संक्रमितको कूल संख्या ५८ हजार ६२९ पुगेको छ ।

पछिल्लो २४ घण्टामा गण्डकीबाट ३३७ जना कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या ५४ हजार ५४१ पुगेको छ।

शुक्रबार पनि गण्डकीमा थप सात जनाको मृत्यु पुष्टि भएको छ । आज मृत्यु पुष्टी हुनेमा तनहुँका एक जना, कास्की जिल्ला पोखरा महानगरका तीन जना र बागलुङ जिल्लाका तीन जना छन् ।

आज मृत्यु पुष्टि भएकासंगै गण्डकीमा कोरोना संक्रमणका कारण ज्यान गुमाउनेको संख्या ९८८ पुगेको निर्देशनालयले जनाएको छ ।