Gandak News
Our News Your Views
Promote your business here Gandaknews

कास्कीका १३८ सहित गण्डकीका थप ३३२ जनामा कोरोना पुष्टि, १३६ कोरोनामुक्त

आइतबार गण्डकीका ३३२ जनामा कोरोना पुष्टि भएको छ।

प्रदेश स्वास्थ्य निर्देशनालयको दैनिक कोरोना सम्बन्धी विज्ञप्ति अनुसार पछिल्लो २४ घण्टामा गण्डकीका १ हजार १३ जनामा गरिएको नमुना परीक्षणमा थप ३३२ जनाको रिपोर्ट कोरोना पोजेटिभ आएको छ ।

आज संक्रमण पुष्टि हुनेमा गण्डकीका दश जिल्लाका छन् । जसअन्तर्गत कास्कीका १३८ जना, तनहुँका पाँच जना, गोरखाका ३६ जना, लमजुङका १४ जना र नवलपुरका ११ जनामा कोरोना पुष्टि भएको छ ।

यस्तै स्याङ्गजाका चार जना, पर्वतका १९ जना, बागलुङका ९३ जना, म्याग्दीका ११ जना र मुस्ताङ जिल्लाका एक जनाको रिपोर्ट कोरोना पोजेटिभ आएको जारी विज्ञप्तिमा उल्लेख गरिएको छ।

आज थपिएकासंगै गण्डकीमा कोरोना संक्रमितको कूल संख्या ६८ हजार ३४ पुगेको छ ।

पछिल्लो २४ घण्टामा गण्डकीबाट १३६ जना कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या ६१ हजार ७८४ पुगेको छ।

आइतबार गण्डकीमा थप तीन जनाको मृत्यु पुष्टि भएको छ । आज मृत्यु पुष्टि हुनेमा कास्कीका दुई जना र गोरखाका एक जना छन्  । आज मृत्यु पुष्टि भएकासंगै गण्डकीमा कोरोना संक्रमणका कारण ज्यान गुमाउनेको संख्या १०९९ पुगेको निर्देशनालयले जनाएको छ ।

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

पढ्न सिफारिस