शुक्रबार गण्डकीका ४७४ जनामा कोरोना पुष्टि भएको छ।

प्रदेश स्वास्थ्य निर्देशनालयको दैनिक कोरोना सम्बन्धी विज्ञप्ति अनुसार पछिल्लो २४ घण्टामा गण्डकीका १२२३ जनामा गरिएको नमुना परीक्षणमा थप ४७४ जनाको रिपोर्ट कोरोना पोजेटिभ आएको हो।

आज संक्रमण पुष्टि हुनेमा गण्डकीका नौ जिल्लाका छन् । जसअन्तर्गत कास्कीका १८८ जना, तनहुँका १७ जना, गोरखाका ५४ जना, लमजुङका १८ जना र नवलपुरका ६५ जनामा कोरोना पुष्टि भएको छ ।

यस्तै स्याङ्गजाका ६१ जना, पर्वतका तीन जना, बागलुङका ५१ जना र म्याग्दी जिल्लाका १७ जनाको रिपोर्ट कोरोना पोजेटिभ आएको जारी विज्ञप्तिमा उल्लेख गरिएको छ।

आज आज थपिएकासंगै गण्डकीमा कोरोना संक्रमितको कूल संख्या ७४ हजार ९८९ पुगेको छ ।

पछिल्लो २४ घण्टामा गण्डकीबाट ६०९ जना कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या ६७ हजार ५१६ पुगेको छ।

शुक्रबार गण्डकीमा थप नौ जनाको मृत्यु पुष्टि भएको छ । आज मृत्यु पुष्टि हुनेमा नवलपुरका दुई जना, तनहुँका दुई जना, गोरखाका एक जना र कास्कीका चार जना रहेका छन् ।

आज मृत्यु पुष्टि भएकासंगै गण्डकीमा कोरोना संक्रमणका कारण ज्यान गुमाउनेको संख्या १२७० पुगेको निर्देशनालयले जनाएको छ ।