Gandak News
Our News Your Views
Promote your business here Gandaknews

पोखराको मणिपाल मेडिकल कलेज बतास र पौडेलले सवा तीन अर्बमा किन्ने

पोखराको फूलबारी स्थित मणिपाल मेडिकल कलेज बिक्री हुने भएको छ। मणिपाल मेडिकल कलेजलाई पोखराकै अटो व्यवसायी आनन्द राज बतास र नारायण पौडेलले संस्थागत रूपमा खरिद गर्ने भएका हुन्।

भारतको मणिपाल एजुकेसन एन्ड मेडिकल ग्रुपको लगानीमा खुलेको यो कलेज नेपालमा नै निजी क्षेत्रबाट सञ्चालनमा आएको पहिलो मेडिकल कलेज हो।

सन् १९९४ बाट सञ्चालनमा आएको यो मेडिकल कलेज भारतीय समूहले सवा तीन अर्ब रुपैयाँमा बिक्री गर्ने भएको हो। अब असोज १ गते देखी सम्पूर्ण रूपमा यो मेडिकल कलेज बतास र पौडेलले सञ्चालन गर्ने छन् भने मणिपाल समूह पूर्ण रूपमा बाहिरिने छ। मणिपाल खरिदका लागि बतास ग्रुप अन्तर्गत ६० प्रतिशत र अटोवेजको ४० प्रतिशत शेयर रहने छ ।

मणिपाल मेडिकल कलेज कुल १० लाख स्क्यायर फिटमा रहेको छ। यसमा ६० रोपनी जग्गा आफ्नै छ भने १५० रोपनी जमिन लिजमा रहेको छ ।

अहिले अस्पतालमा झन्डै ९ सय जना कर्मचारी कार्यरत छन् । हाल अस्पतालमा ७५० बेड छन् । मेडिकल शिक्षामा १०० वटा सिट मणिपालले पाउने गरेको छ ।

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

पढ्न सिफारिस