गण्डकी प्रदेशमा पछिल्लो २४ घण्टामा ९२९ जनाको नमुना परीक्षण गरिएकामा १७५ जनामा संक्रमण देखिएको हो । संक्रमितमध्ये ८६ महिला र ८५ जना पुरुष रहेका छन् ।
प्रदेशका ५ जिल्लामा गरिएको नमूना परीक्षणमा सबैभन्दा धेरै संक्रमित कास्कीमा भेटिएको प्रदेश स्वास्थ्य आपतकालीन कार्यसञ्‍चालन केन्द्रका संयोजक नवराज शर्माले जनाकारी दिए ।

उनका अनुसार कास्की १००, बागलुङ २, स्याङ्जा २४, गोरखा ६, लमजुङ ३, तनहुँमा ९ र नवलपरासी पूर्व २७ जनामा संक्रमण देखिएको हो । योसँगै गण्डकी प्रदेशमा कोरोना संक्रमितको संख्या ८३ हजार ६७२ पुगेको छ । सधै कोरोना संक्रमितको मृत्युदर उच्च रहँदै आएको गण्डकी प्रदेशमा एक सातादेखि क्रमश घट्दै गएको छ ।

प्रदेशमा आइतबार १ जनाको कारोना संक्रमितको मृत्यु भएको थियो । तर, सोमबार भने गण्डकीमा कोरोना संक्रमणबाट मृत्यु हुनेको संख्या शून्य रहेको छ । हालसम्म गण्डकीमा कारोना संक्रमणबाट १ हजार ३३२ जनाले ज्यान गुमाएका छन् ।

प्रदेशमा पछिल्लो २४ घण्टामा १५७ जना कोरोना संक्रमणमुक्त भएका छन् । योसँगै गण्डकीमा हालसम्म संक्रमणमुक्त हुनेको संख्या ८० हजार ५९८ पुगेको छ । त्यसैगरी गण्डकीमा सक्रिय संक्रमितको संङख्या १ हजार ७४२ पुगेको निर्देशनालयले जानकारी दिएको छ ।