Gandak News
Our News Your Views
Promote your business here Gandaknews

कास्कीमा निषेधाज्ञा हट्यो : सबै शैक्षिक संस्था र रात्रीकालिन व्यवसाय संचालन गर्न पाइने

कास्कीमा निषेधाज्ञा हटेको छ। निषेधाज्ञा हटेसँगै जिल्लामा विद्यालय, क्याम्पस, विश्वविद्यालय लगायत होटल रेष्टुरेन्ट, नाचघर, क्लब, डान्सबार र दोहोरी साँझहरु खुल्ने भएका छन्।

प्रमुख जिल्ला अधिकारी थानेश्वर गौतमद्वारा जारी विज्ञप्ति अनुसार पछिल्ला दिनमा संक्रमणदर र मृत्युदर घट्दै गइरहेको भन्दै दैनिक क्रियाकलापहरु संचालन गर्दा नेपाल सरकारद्वारा निर्धारित स्वास्थ्य तथा सुरक्षा मापदण्डहरुको अनिवार्य पालना गर्दै संचालन अनुमति दिइएको हो ।

आदेश अनुसार सबै प्रकारका शैक्षिक संस्था र प्रशिक्षण केन्द्रहरु शिक्षा विज्ञान तथा प्रविधि मन्त्रालयद्वारा प्रकाशित कोभिड -१९ संक्रमणको कार्यविधि (शैक्षिक संस्था संचालन गर्दा अपनाउनु पर्ने आवश्यक तयारी) अनुसार स्थानीय तहसँगको समन्वयमा पठनपाठन संचालन गर्नुपर्नेछ छ भने, होटल रेष्टुरेन्टहरु पूर्ण सावधानी अपनाई बेलुका ७ :३० बजेसम्म मात्र संचालन गर्न अनुमति दिइएको छ ।

यस्तै, नाचघर, क्लब, डान्सबार दोहोरी साँझ जस्ता रात्रीकालिन व्यवसायहरु पनि तोकिएको मापदण्ड पालना गरी राति १:३० बजेसम्म संचालन गर्न पाइनेछ। यद्यपी संक्रमणको दर बढ्दै गएमा जुनसुकै समयमा थप आदेश जारी हुने पनि जारी विज्ञप्तिमा उल्लेख गरिएको छ।

 

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

पढ्न सिफारिस